Radikal etirazçılar Honkonq hökumətinin binasına “molotov kokteyli” atıblar

  • 20:10 - 15 Sentyabr

Çinin Honkonq xüsusi inzibati bölgəsində sentyabrın 15-də keçirilmiş qanunsuz etiraz aksiyası zamanı radikal etirazçılar hakimiyyət orqanlarının binalarına "molotov kokteylləri" (neft məhsullarından kustar üsulla hazırlanan alışdırıcı-partlayıcı) atıblar.

Aksiya iştirakçıları bəzi yerlərdə yanğınlar törədib, metro stansiyalarında avadanlığı məhv ediblər. Nəticədə metronun "Admiralty" stansiyası fəaliyyətini dayandırmağa məcbur olub. Bundan başqa, etirazçılar şəhərin əsas yollarını bağlayaraq nəqliyyatın hərəkətinə ciddi mane olub, ictimai və özəl binaların şüşələrini sındırıblar. Aksiyaçılar Çin Xalq Respublikasının dövlət bayrağını yandırıblar.

Polis zorakılıq hallarının qarşısını almaq üçün aksiyaların dağıdılmasına başlayıb.

Qeyd edək ki, Honkonqda ekstradisiya haqqında qanuna təklif olunan düzəlişə etiraz olaraq iyun ayından bəri aksiyalar keçirilir. Aksiyaların gedişində etirazçılar ciddi iğtişaşlar törədib, polislərə, şəhərdəki dövlət və özəl binalara ciddi ziyan vurublar. Sentyabrın 4-də Çinin Honkonq xüsusi inzibati bölgəsi icraçı hökumətinin rəhbəri Kəri Lam ekstradisiya haqqında qanuna təklif olunan düzəlişin geri götürüldüyünü elan edib. Buna baxmayaraq, etirazçılar həmin qərardan sonra da qanunsuz aksiyalarını davam etdirirlər.


Oxunma sayı: 5798

Oxşar yazılar

Troyada ən qədim yaşayış məskənləri - FOTO
Troyada ən qədim yaşayış məskənləri - FOTO
  • 14:59 - 17 Aprel
Akademik Musiqili Teatrda Ramiz Mirişlinin xatirəsi yad edildi - FOTO
Akademik Musiqili Teatrda Ramiz Mirişlinin xatirəsi yad edildi - FOTO
  • 16:26 - 16 Aprel
Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
  • 19:06 - 13 Aprel