Əfqanıstan Prezidentinin ABŞ-a səfəri təxirə salındı

  • 06 Sen - 2019

Əfqanıstan Prezidenti Məhəmməd Əşrəf Qaninin Vaşinqtona nəzərdə tutulan səfərinin təxirə salındığı açıqlanıb. 

Xatırladaq ki, elə bu gün dövlət başçısının 13 nəfərlik nümayəndə heyətilə Vaşinqtona gedəcəyi, bazar ertəsi günü ABŞ prezidenti Donald Trampla görüşəcəyi bildirilmişdi. 

Ötən gün ABŞ ilə “Taliban” hərəkatı arasında “prinsipcə” razılaşdırıldığı bildirilən saziş Əfqanıstan Prezidenti tərəfindən “mənasız” kimi səciyyələndirilib. Bu açıqlamadan bir neçə saat əvvəl Kabildə “Taliban” tərəfindən NATO hərbi obyektinin və ABŞ səfirliyinin yaxınlığında avtomobilə yerləşdirilən bomba partladılıb. Nəticədə aralarında biri amerikalı olmaqla iki əsgər, həmçinin azı 8 nəfər dinc sakin ölüb, 42 nəfər də yaralanıb. 

Bu hücumu “Taliban”ın cinayəti olaraq səciyyələndirən Prezident M.Ə.Qani beynəlxalq ictimaiyyəti həmin hərəkatın bu kimi əməllərinə səssiz qalmamağa çağırıb. 

“Report” xatırladır ki, sadalanan hadisələr Əfqanıstan hökumətilə “Taliban” hərəkatı arasında ilk birbaşa danışıqların başlamasının gözlənildiyi bir vaxtda baş verib. 

 


Oxunma sayı: 672

Oxşar yazılar