İspaniyada vertolyot təyyarə ilə toqquşub, 4 nəfər ölüb
- 22:50 - 25 Avqust
İspaniyanın Malyorka adasında vertolyot kiçik təyyarəyə çırpılıb.
“Report” "Diario de Malyorka" nəşrinə istinadən xəbər verir ki, hər iki hava gəmisi İnka şəhəri yaxınlığında yerə düşüb.
Qəza avqustun 25-də baş verib. Hadisə zamanı azı 3 nəfər həyatını itirib.
"Seksta" telekanalının əməkdaşları 5 nəfərin öldüyünü xəbər veriblər. Ölənlər arasında vertolyotun iki heyət üzvü və təyyarədə olan 3 nəfər var.
Xilasedicilər 4 nəfərin öldüyünü təsdiq ediblər.