Bakıda 17 mərtəbəli binada başlayan yanğın söndürüldü– Yenilənib (Fotolar)

  • 20 Avq - 2019

Bakının Yasamal rayonunda hündürmərtəbəli binada başlayan yanğın söndürülüb.

Fövqəladə Hallar Nazirliyinin mətbuat xidmətindən Avropa.info-ya verilən məlumata görə, Yasamal rayonunda 17 mərtəbəli yaşayış binasında şaxta boyunca elektrik naqilləri 30 p.m yanıb.

Yanğın zamanı 17 nəfər bina sakini yanğınsöndürənlər tərəfindən təhlükəsiz əraziyə təxliyə olunub.

Mənzillər və elektrik sayğacları yanğından mühafizə olunub. Hadisə zamanı xəsarət alan olmayıb.

Yanğın yanğından mühafizə bölmələri tərəfindən söndürülüb.

***

Yasamal rayonunda İsmayıl bəy Qutqaşınlı küçəsi, 36 saylı binada yerləşən yaşayış binasında baş vermiş yanğında 17 sakin təxliyə olunub.

Avropa.info bildirir ki, bunu Trend-ə Yasamal Rayon Dövlət Yanğından Mühafizə Hissəsinin rəis müavini Elçin Sadıqov bildirib. Onun sözlərinə görə, artıq bina sakinləri öz mənzillərinə geri dönüblər:

"Yanğın səhər saat 10:57-də qeydə alınıb. Alov 16 mərtəbəli binanın 13-16-cı mərtəbələrində giriş bloklarındakı elektrik kabellərində qeydə alınıb. Hadisə yerinə cəlb olunan əməkdaşlarımız dərhal bina sakinlərini təxliyə edərək alovun qarşısını alıblar. Xoşbəxtlikdən yanğında xəsarət alan olmayıb".

Rəis müavini əlavə edib ki, digər aşağı mərtəbələrdə də qismən yanğın qeydə alınıb.

***

Bakıda yanğın baş verən əraziyə Dövlət Yanğından Mühafizə Xidmətinin 2 avtomobili və 2 təcili tibbi yardım briqadası cəlb edilib.

Avropa.info bildirir ki, yanğın 16 mərtəbəli binada baş verib.

İlkin məlumata görə, elektrik kabelləri bir-birinə dolaşaraq yanmağa başlayıb.

***

Fövqəladə Hallar Nazirliyinin (FHN) "112" qaynar telefon xəttinə, Bakı şəhərinin Yasamal rayonunda çoxmərtəbəli yaşayış binasının 13-14-cü mərtəbələr arasında elektrik kabellərində yanğın baş verməsi barədə məlumat daxil olub.

FHN-dən Avropa.info-ya verilən məlumata görə, hadisə yerinə Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri cəlb olunub.

Təhlükəsizlik tədbirləri çərçivəsində bina sakinləri təxliyə edilib. Hazırda yanğının söndürülməsi üzrə işlər davam etdirilir. Əlavə məlumat veriləcək.

Bakıda çoxmərtəbəli binada yanğın: 17 sakin təxliyə olundu - YENİLƏNİB - FOTO

 

Bakıda çoxmərtəbəli binada yanğın: 17 sakin təxliyə olundu - YENİLƏNİB - FOTO

 

Bakıda çoxmərtəbəli binada yanğın: 17 sakin təxliyə olundu - YENİLƏNİB - FOTO

 

Bakıda çoxmərtəbəli binada yanğın: 17 sakin təxliyə olundu - YENİLƏNİB - FOTO

Oxunma sayı: 518

Oxşar yazılar