Əməkdar jurnalistin qardaşının evini qarət etdilər – Fotolar
- 12:06 - 20 Avqust
Əməkdar jurnalist Elnarə Dərziyevanın qardaşının evi qarət olunub.
Avropa.info xəbər verir ki, E.Dərziyeva "Facebook" hesabında hadisə ilə bağlı foto və məlumatlar paylaşıb.
Jurnalist bildirib ki, Binəqədi rayonundakı evdən qızıl-zinət əşyaları oğurlanıb.
Hadisə Biləcəri-Binəqədi yolu, döngə 1 ünvanında baş verib. Belə ki, naməlum şəxs və ya şəxslər günorta saatlarında Vüqar Dərziyevə məxsus fərdi yaşayış evinə basqın edərək, qızıl-zinət əşyalarını oğurlayıblar.
Hadisə yerinə Binəqədi rayon Polis İdarəsinin əməkdaşları cəlb olunub. Ekspertlər əl izlərini götürüblər.
Elnarə Dərziyeva qeyd edib ki, qardaşının evi iki il öncə də qarət olunub.