Qubada "Brilyant əməliyyatı": Dələduz dəstə "iş başında" yaxalandı – Foto

  • 30 İyl - 2019

Quba Rayon Polis Şöbəsinin əməkdaşları tərəfindən rayon ərazisində brilyant daş-qaşı satan dələduz dəstə üzvlərinin ifşa olunması istiqamətində uğurlu əməliyyat tədbiri keçirilib. 

DİN Mətbuat Xidmətinin Quba rayonunda regional qrupundan Avropa.info-a verilən məlumata görə, RPŞ-nin əməkdaşları tərəfindən gecə saatlarında keçirilən tədbir zamanı, rayon ərazisində külli miqdarda dəyəri olan iki ədəd brilyant daş-qaşları satmaq istəyən beş nəfərdən ibarət dəstə üzvləri “iş başında” saxlanılıblar. 

Araşdırmalarla onların Quba rayon sakinləri, 62 yaşlı Əkbər Rzayev və 63 yaşlı İkram Pirimov, Bakı şəhər sakini 58 yaşlı Güllü Nazirova, əvvəllər məhkum olunmuş Bakı şəhər sakinləri, 58 yaşlı Azad Rəşidov və 42 yaşlı Emil Canayev olduqları məlum olub.   

İlkin dindirilmə zamanı həmin şəxslər törətdikləri cinayət əməlini etiraf edərək, iki ədəd 5 və 7 karatlıq brilyant daş-qaşı 163 min manat müqabilində Qubada satmaq istədiklərini bildiriblər.   

Faktla bağlı Quba RPŞ-də cinayət işi açılıb. 


Oxunma sayı: 1112

Oxşar yazılar