Azərbaycanda müvəqqəti yaşamaq qaydası yeniləndi

  • 23 İyl - 2019

Miqrasiya Məcəlləsinə dəyişikliklər prezidentin imzası ilə rəsmiləşib. Avropa.info novator.az-a istinadən bildirir ki, məcəlləyə əlavə edilən yeni maddəyə əsasən, Azərbaycan vətəndaşlığı ilə yanaşı digər dövlətin (dövlətlərin) vətəndaşı olan şəxsin Azərbaycan ərazisində olduğu dövrdə Azərbaycan vətəndaşlığına xitam verildikdə həmin şəxs bu barədə rəsmi məlumat aldığı tarixdən 30 gün ərzində ölkəni tərk etməli, yaxud Azərbaycan ərazisində müvəqqəti yaşama icazəsinin alınması üçün Dövlət Miqrasiya Xidmətinə müraciət etməlidir. Belə müraciətə baxıldığı dövrdə şəxs Azərbaycan ərazisində qanuni əsaslarla müvəqqəti olan hesab edilir.

Məcəllədə başqa bir yeniliyə görə, Azərbaycanda fəaliyyət göstərən banklara müddətli əmanət müqaviləsi əsasında azı 100 min manat məbləğində pul vəsaiti qoyan; insan alverindən zərər çəkmiş; cinayət təqibi orqanlarına yardım göstərən; prezidentin və Nazirlər Kabinetinin işə cəlb etdiyi; prezidentin müəyyən edilən hallarda əmək fəaliyyətinə cəlb olunan şəxslərə; Azərbaycan Silahlı Qüvvələrinə və Azərbaycan qanunvericiliyinə uyğun olaraq yaradılmış başqa silahlı birləşmələrə xidmətə və ya işə dəvət olunan hərbi qulluqçulara və mütəxəssislərə; kütləvi informasiya vasitələrinin Azərbaycan Respublikasında akkreditə olunmuş əməkdaşlarına; dənizçilərə; ali təhsil müəssisələrində mühazirə kurslarının oxunması üçün dəvət edilən professor-müəllim heyətinə və mühazirəçilərə; incəsənət işçilərinə, dövlət qeydiyyatından keçmiş idman klublarına işə dəvət olunan məşqçilərə və idmançılara Azərbaycanda müvəqqəti yaşamaq üçün icazə verilir.


Oxunma sayı: 826

Oxşar yazılar