İsveçrənin ən böyük mobil operatoru səhvən müştəri məlumatlarının silindiyini etiraf edib

  • 19:40 - 13 İyul

İsveçrənin ən böyük mobil operatoru “Swisscom” şirkəti müştəri məlumatlarının silinməsi ilə əlaqədar kobud səhvi etiraf edib.

Şirkətin müştərilərə təklif etdiyi “MyCloud” bulud texnologiyasında qüsurlar aşkarlanıb. Belə ki, sistemdə yenilənmə aparılarkən yüzlərlə müştərinin məlumatları bərpaolunmaz şəkildə yaddaşdan silinib. Onlayn yaddaş xidmətində silinən şəkil, video və digər məlumatlara görə müştərilərə kompensasiya təklif olunub.

Şirkətdən bildirilib ki, yaddaş optimallaşdırılması işləri zamanı səhvə yol verilib. “MyCloud” hesablarındakı məlumatlar səhvən yaddaş sistemindən birdəfəlik silinmə sahəsinə köçürülüb. Adətən bu sahəyə istifadəçilərin öz “zibil qutuları”ndan sildikləri məlumatlar göndərilir.

“Svisscom”un nümayəndəsi Sepp Huber baş verənlərlə bağlı çox məyus olduqlarını bildirərək istifadəçilərdən üzr istəyib. Gələcəkdə oxşar halların baş verməməsi üçün tədbirlər görüldüyünü bildirib.

Qeyd edək ki, bu səhv nəticəsində sadəcə pulsuz tətbiqetmədən yararlanan fərdi istifadəçilər zərər çəkib, biznes istifadəçilərinə heç bir ziyan dəyməyib.


Oxunma sayı: 12497

Oxşar yazılar

Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel