Təcili : Tramp İrana hücum əmri verdi , lakin ... - ABŞ mediasından sensasiyalı iddia

  • 13:57 - 21 İyun

İran hava məkanını pozan ABŞ İHA-sının vurulmasından sonra prezident Donald Trampın dünən İrana qarşı hava hücumuna razılıq verdiyi, ancaq bir müddət sonra bu qərarından imtina etdiyi iddia edilib.
 

Avropa.info xəbər verir ki, bu haqda "New York Times" qəzeti  məlumat yayıb. Qəzetin yüksək çinli ABŞ rəsmisinə istinadən yaydığı xəbərdə Trampın hücum qərarından son anda imtina etdiyi bildirilir. 
 

"Tramp İrana hava hücumuna razılıq verdi, sonra birdən vaz keçdi " başlıqlı xəbərdə ABŞ rəsmilərinin yerli saatla 19:00-a qədər İrana aid bəzi radar və raket batareyalarının vurulmasını gözlədikləri, prezidentin qərarından imtina etməsi nəticəsində bunun baş vermədiyi ifadə edilib.
 
Xəbərdə, Trumpın, yoxsa bu barədəki qərarını dəyişdiyi, yoxsa hakimiyyətin mi fərqli bir strategiya həyata keçirməyə qərar verdiyinin dəqiq olmadığı fikirlərinə yer verilib.

ABŞ-ın ABC telekanalı isə  Trumpın İrana hücum qərararını xarici işlər naziri  Pompeo və Ağ Evin Milli Təhlükəsizlik üzrə məsləhətçisi Con Boltonun təkidlərinə baxmayaraq ləğv etdiyini iddia edib.
 
Dünən İranın ABŞ İHA-sını vurma xəbərinə reaksiya verən Tramp "İran çox səhv addım atdı. Yaxında bunun nəticəsini görəcəksiniz" demişdi.

Avropa.info


Oxunma sayı: 11517

Oxşar yazılar

Türkiyənin Egey sahili boyunca kulinariya səyahəti
Türkiyənin Egey sahili boyunca kulinariya səyahəti
  • 14:30 - 22 Aprel
İmişli fermerləri icra başçısından narazıdır - VİDEO
İmişli fermerləri icra başçısından narazıdır - VİDEO
  • 13:10 - 22 Aprel
Türkiyənin Azərbaycandakı səfirliyində yeni TƏYİNAT
Türkiyənin Azərbaycandakı səfirliyində yeni TƏYİNAT
  • 12:00 - 19 Aprel