Argentina Amerika Kubokunda autsayder vəziyyətinə düşdü
- 11:12 - 20 İyun
Braziliyada keçirilən Amerika Kubokunda Argentina-Paraqvay görüşündə 1:1 hesabı qeydə alınıb.
Avropa.info xəbər verir ki, 37-ci dəqiqədə Riçard Sançes Paraqvayı irəli çıxarıb. 20 dəqiqədən sonra Lionel Messi penaltini vuraraq hesabı bərabərləşdirib.
Qrup mərhələsinin birinci turunda Argentina Kolumbiyaya (0:2) hesabı ilə uduzmuşdu. İkinci turdan sonra B qrupunda Kolumbiya 6 xalla birinci, Argentina 1 xalla sonuncudur.
Qeyd edək ki, Amerika Kuboku KONMEBOL konfederasiyasına daxil Cənubi Amerika ölkələri arasında keçirilir. Turnirdə konfederasiyaya daxil olmayan, qonaq kimi dəvət edilmiş Qətər və Yaponiya da iştirak edir.