“Əgər İran döyüşmək istəsə, bu, rəsmən onun sonu olacaq...” – Müharibə təhdidləri artır

  • 20 May - 2019

ABŞ prezidenti Donald Tramp İranın ünvanına növbəti hədələyici bəyanatla çıxış edib.

Tramp özünün Tvitter səhifəsində yazıb: “Əgər İran döyüşmək istəyirsə bu rəsmən İranın sonu olacaq. Birləşmiş Ştatları hədələməyə cəsarət etməyin”.

Bu hədə İrana bağlı husi qruplaşmalarının Səudiyyə Ərəbstanında neft kəmərinə hücumu və Bağdadın “yaşıl zonasına”, ABŞ səfirliyi istiqamətinə raket atılması fonunda səslənir. Tramp daha əvvəl İranla bağlı nisbətən barışdırıcı tonda danışmışdı və “İranla müharibə başlayacaqmı?” sualına belə cavab vermişdi: “Ümid edirəm ki, yox. Əminəm ki, İran tezliklə danışıqlara gedəcək”.

Ötən bazar günü Tramp Fox News-a müsahibəsində bildirib ki, İranın nüvə silahı əldə etməsinə yol verilməyəcək. “Mən ancaq onu istəyirəm ki, onların əlində bizi hədələmək üçün nüvə silahı olmasın. Məsələ belədir ki, mən döyüşməyin tərəfdarı deyiləm. Çünki müharibə iqtisadiyyatı dağıdır, ən mühümü budur ki, müharibədə insanlar həlak olur. Laki İranla bağlı məsələ belədir ki, onlara nüvə silahı əldə etmək imkanı vermək olmaz”-o bildirib.

Xatırladaq ki, ABŞ Fars körfəzi regionuna qüvvə cəmləşdirir və bunu İranın regionda Birləşmiş Ştatların maraqlarına qarşı hansısa hücumlar hazırlaması ilə əsaslandırır.

Virtualaz.org


Oxunma sayı: 1023

Oxşar yazılar