“Facebook” Polşadakı saxta xəbər səhifələrini bağlayıb

  • 13:25 - 19 May

“Facebook” sosial şəbəkəsi Polşada fəaliyyət göstərən 27 xəbər səhifəsini bağlayıb.

Buna səbəb həmin səhifələrin yersiz aqressiv xarakterli saxta xəbər yayması olub.

Sosial şəbəkənin rəsmi açıqlamasında bildirilir ki, sözügedən səhifələrin 2 milyona yaxın izləyicisi olub. Səhifələr dini və irqi mövzularda insanları çaşdıran xəbərlər dərc edirmiş.

Ümumiyyətlə, sosial şəbəkələrdə hər hansı məqsədlər üçün yaradılmış və saxta izləyicilərə malik xəbər səhifələrinin ciddi yoxlanmasına başlanılıb. Bir neçə ay bundan əvvəl Latviya üzrə də fəaliyyət göstərən bir neçə səhifə bağlanıb. İndi eyni araşdırmalar İtaliya və İspaniya üzrə aparılır.


Oxunma sayı: 8800

Oxşar yazılar