Bütün dövrlərin ən varlı 20 cinayətkarı - Siyahı

• 13:20 - 18 May

MSN bütün dövrlərin ən varlı 20 cinayətkarının siyahının hazırlayıb. 

Avropa.info xəbər verir ki, bu 20 cinayətkar narkotik qaçaqmalçılığı və digər cinayətlər törədərək nəhəng miqyasda sərvət yığmağı bacarıblar.

Davud İbrahim: Sərvətinin Üsamə bin Ladendən 10 dəfə çox olduğu təxmin edilir

63 yaşlı hindistanlı cinayətkar mətbuatın yazdığına görə, Pakistanın Karaçi şəhərində lüks bunkerdə yaşayır. Dünya eroin qaçaqmalçılığının 75%-nə nəzarət edir. Almaz, qızıl və daşınmaz əmlak daxil olmaqla başqa gəlir mənbələri də var.

Pablo Emilio Eskobar: 30 milyard dollar

Kolumbiyalı narkotik alverçisi 1993-cü ildə ölüb. Həyatını əks etdirən xeyli film və serial çəkilib.

Al Kapone: 100 milyard dollar

Alfons Kapone italyan əsilli Amerika mafiyası lideridir. 1920-1933-cü illər arasında ABŞ-ın spirtli içkiləri qadağan etməsindən istifadə edərək güclənib. 1929-cu ildə ABŞ iqtisadiyyatının çətin dövrlərində fürsətlərdən istifadə edərək daha da varlanıb.

Frank Lukas: 52 milyard dollar

Frank Lukas 1960-cı illərin sonunda və 1970-ci illərin əvvəlində Harlemdə narkotik satışı və mütəşəkkil cinayətkar şəbəkəsinin lideri olmuş qanqsterdir. Ən böyük uğuru narkotik ticarətində vasitəçiləri aradan götürərək Cənubi-şərqi Asiyadan narkotiki birbaşa almasıdır.

Amado Karillo Fuentes: 25 milyard dollar

Amado Fuentes maraqlı hobbilərə və çoxlu qabiliyyətlərə malik adam idi. Görünüşünü dəyişdirmək üçün hətta üzündə estetik əməliyyat da aparıb. Amerikaya ortalama miqdardan 4 dəfə artıq kokain keçirən meksikalı idi və “Göylərin sahibi” ləqəbi ilə tanınırdı. Belə ləqəblə tanınmasının səbəbi isə radara düşməmək üçün alçaq hündürlükdə uçurduğu jumbo təyyarələrlə Amerikaya tonlarla kokain keçirməsi idi. 

Ən çox axtarılan cinayətkarlar siyahısında olan Fuentes özünü Kuba və Rusiyada sınadı, amma burada tutuna bilmədi. Meksikaya geri qayıtmağa qərar verən Fuentes üzünü dəyişdirməyə qərar verdi və estetik cərrahiyə əməliyyatı keçirdi, lakin bir əməliyyatdan çıxa bilmədi. 1997-ci ildə keçirdiyi əməliyyat uğursuz oldu və öldü.

Bernard Medoff: 820 milyard dollar

Bernard Lourens “Berni” Medof dələduz, sabiq birja işçisi, maliyyə məsləhətçisi və maliyyəçi olan məhkum amerikalı. NASDAQ birjasının sabiq idarəetmə heyəti sədri və ABŞ tarixinin ən böyük maliyyə fırıldaqçısı kimi tanınır.

Viktor But: 6 milyard dollar

13 yanvar 1967-ci ilidə anadan olmuş donanma sahibi silah qaçaqmalçısı.

Allen Stanford: 2 milyard dollar

2012-ci ildə 7 milyard dollarlıq dələduzluq faktı, “çirkli pullar”ın yuyulması ilə məşğul olub.

Leona Helmsli: 2 milyard dollar

“Orta hesablanın kraliçası” ləqəbi ilə tanınan Leona Helmsli əri makler Hari Helmsli ilə birgə imperiya qurmuşdu. 1992-ci ildə vergi qaçaqçılığı səbəbindən 18 ay həbsə məhkum olunub.

Denis Kozlovski: 600 milyon dollar

Sənaye holdinqinin sabiq direktoru 1999-2002-ci illərdə şirkətdən yüz milyonlarla dollar oğurladığı üçün 25 il həbs cəzasına məhkum olunub. Pulu dəbdəbəli həyat tərzini maliyyələşdirmək, Nyu-Yorkda lüks mənzillər və yaxtalar almaq üçün istifadə edib. 

Xose Fiqueroa Aqosto: 100 milyon dollar

Puerto-Riko narkotik alverçisi kimi bir neçə dəfə həbs olunub.

Corc Yunq: 100 milyon dollar

Buy kokain qaçaqmalçısı 80-ci illərdə sərvət qazanmış, ABŞ sahillərinə narkotik daşıyıb. Conni Depp və Penelopa Kruzun baş rollarda çəkildiyi “Blow” filmində real həyat hekayəsini canlandırılıb. Öz dövründə ABŞ kokain bazarının 85%-ə nəzarət edirmiş.

El Çapo: 1 milyard dollar

Xoakin Arçivaldo Quzman Loera adlı meksikalı narkotik baronu. Quzman Loera 2014-cü dövlət tərəfindən həbs olundu, lakin 2014-cü ilin iyulu həbsxanada duş otağının altı ilə qazılan 1,5 km uzunluğunda tunel qazdırın həbsxanadan qaçdı.

Laki Luçiano: 105 milyon dollar

Çarles “Laki” Luçiano Siciliya əsilli amerikalı cinayətkar idi. Luçiano ABŞ-da modern mütəşəkkil cinayətkarlığın atası kimi tanınır.

Kennet Ley: Qanundankənar qazancı sadəcə 2001-ci ildə 90 milyon dollar olub. 

2006-cı ildə Texasda iflasa uğrayan “Enron”nun sabiq direktor şurasının üzvü şirkətin iflasında günahkar sayıldı. Dələduzluq əməli minlərlə sərmayədarın və işçinin müflisləşməsinə səbəb oldu.

Semyon Moqileviç: sərvəti təxmin edilmir

Semyon Moqileviç “şeflərin şefləri” adı ilə tanınırdı. Bütün dövrlərin ən təhlükəli cinayətkarlarından biridir. 1970-ci illərdə İsrailə köçmək istəyən yəhudi ailələri aldatması ilə məşhurdur. Daha sonra rus mafiyasına rəhbərlik etdi. İşgəncə, narkotik və insan qaçaqçılığı, soyğun və “çirkli pullar”ın yuyulması törətdiyi əsas cinayətlərdir.

Mayer Lanski: 100 milyon dollar

Mayer Lenski Bruklində yaşayırdı. Las-Veqas, Bahama adaları, London və Kubada açdığı qumarxanalarla qumar imperiyası qurdu. Laki Luçianonun yaxın müttəfiqi olan bu qanqster uzun illər beynəlxalq cinayət sindikatının mühasibat işini görüb. 1983-cü ildə vəfat edib.

Toto Riina: 125 milyon dollar sərvəti ələ keçirilib

Salavtore Riina Koza nostra lideri və “ataların atası” ləqəbi ilə tanınan italyan mafiya başçısı. “La Belva” və “U curtu” ləqəbləri də var. 1930-cu ildə anadan olan Riina 2017-ci ildə vəfat edib.

Xun Sa: 5 milyard dollar

Xun Sa 1974-1994-cü illər arası “Qızıl üçbucaq”da tiryək qaçaqmalçılığına nəzarət edib. O vaxtlar “Qızıl üçbucaq”dan ABŞ-a çatan eroinin çoxu Xun Sanın tiryək tarlalarında yetişdirilmişdi. 1996-cı ildə Birma hakimiyyətinə təslim olub.

Niki Barns: 105 milyon dollar

Nyu-Yorkun sabiq narkotik baronu “Cənab toxunulmaz” Harlemdəki eroin ticarətini polisləri satın almaq yolu ilə neçə illər boyu həyata keçirib. Ömürlük həbsə məhkum olundu, amma 1998-ci ildə azad olundu.

Oxunma sayı: 26785