"İngilislər neft çıxardanda Azərbaycan təhlükəli olmur, iki klubu gələndə təhlükəli olur?" – Siyavuş Novruzov

  • 16:53 - 17 May

Bəzi xarici dairələr Azərbaycanda keçirilən islahatlara qarşı ədalətsiz şəkildə qarayaxma kampaniyası aparır, Dağlıq Qarabağ münaqişəsinin həlli ilə bağlı gedən danışıqlara təzyiq göstərməyə çalışırlar.

Avropa.info Trend-ə istinadla məlumat verir ki, bunu Milli Məclisin deputatı Siyavuş Novruzov parlamentin bu gün keçirilən iclasında deyib.

Siyavuş Novruzov bildirib ki, həmin dairələr idmanı siyasətə qatırlar: “Böyük Britaniya şirkətləri burada fəaliyyət göstərəndə, neft çıxardanda Azərbaycan təhlükəli olmur, iki futbol komandası gələndə təhlükəli olur? Sapı özümüzdən olan baltaların hərəsinə erməni lobbisi tərəfindən maliyyə vəsaiti verilib ki, Azərbaycanın həyata keçirdiyi işlərə, iqtisadi islahatlara kölgə salsınlar”.

Deputat bildirib ki, postsovet məkanında Avropa İttifaqı ilə Azərbaycan qədər əməkdaşlıq edən ikinci bir ölkə yoxdur: “Bu qədər görülən işləri qoyurlar bir kənara, başlayırlar qarayaxma kampaniyası aparmağa. Xaricdə olan bəzi azərbaycanlılar ermənilərlə eyni vaxtda fəaliyyətə başlayırlar. Düyməni eyni yerdən basırlar. Bütün Azərbaycan cəmiyyəti Prezdentin siyasətini dəstəkləyir".

Siyavuş Novruzov qeyd edib ki, ölkəmizə qarşı çirkin kampaniya aparan həmin şəxslərə cavab verilməlidir: "Siz bizi hədələməklə öz maraqlarınızı həyata keçirə bilməyəcəksiniz”.


Oxunma sayı: 7722

Oxşar yazılar