Ağstafada küçə itləri 7 nəfəri xəstəxanalıq etdi
- 10:50 - 24 Mart
Ağstafa rayonunda bir gündə 7 nəfəri küçə iti dişləyib.
Rayonun Qarahəsənli kəndi, Saloğlu qəsəbəsi və şəhərin digər ərazisində küçə itləri müxtəlif vaxtlarda müxtəlif insanlara hücüm edib. Onlardan 7 nəfəri xəstəxanaya müraciət edib. Həkimlər tərəfindən tibbi yardım göstərilib və hamısına quduzluğa qarşı iynə vurulduqdan sonra evə buraxılıblar.
“Report” xatırladır ki, son günlər rayon ərazisində oxşar hadisələrin tez-tez baş verdiyi bildirilir.