Latviyanın eks-prezidenti: “Rusiyanın cavabını qaytaracağıq”

  • 15:35 - 20 Mart

Avropa İttifaqı bütün dünyada Rusiya təbliğatına və yalan məlumatlarına qarşı çıxacaq. Bunu virtualaz.org-un əməkdaşı ilə söhbətində “Rusiya və digər düşmən subyektlər tərəfindən” təbliğata qarşı fəaliyyətə istiqamətlənmiş, Avropa İttifaqı Şurasına və Aİ-nin xarici işlər üzrə nümayəndəsinə tövsiyələrlə Avropa Parlamentinin qəbul etdiyi qətnaməni şərh edərkən Latviyanın keçmiş prezidenti Valdis Zatlers deyib.

Avropa Parlamenti “Rusiyanın dezinformasiya kampaniyaları haqqında məlumatlılığın artırılmasını” tövsiyə edib ki, bu da avrodeputatların fikrincə, “Avropada dezinformasiyanın başlıca mənbəyidir”.

“Hibrid müharibəsinin dörd mərhələsi var və hazırda Ukraynada biz bunun hamısını müşahidə edirik. O ki qaldı Avropa ölkələrinə, burada hələlik yalnız birinci mərhələdir – dezinformasiyadan yalnız təbliğat üçün istifadə olunur ki, Qərbin tərəfdaşları onun düşməninə çevrilsinlər. Avropa ölkəlri buna qarşı çıxacaqlar. Aİ-nin böyük maraqları var və onun üzvü olan ölkələr səylərini birləşdirirlər ki, Avropanı yalan məlumatlardan qorusunlar. Təbliğata qarşı durmaq olar və lazımdır”, - Zatlers əminliyini bildirib.

Aİ-də hesab edirlər ki, dezinformasiyanın istiqamət obyekti dünyanın istənilən ölkəsi, ələlxüsus da MDB dövlətləri ola bilər. Qərblə Rusiya arasında informasiya müharibəsinin parlaq nümunəsi Ukraynadır. Dünyada stabillik yalnız yalan məlumatlarla effektiv mübarizənin aparılacağı təqdirdə mümkündür.

“Dünənki qonşu təbliğatın təsiri altında düşmənə çevrilə bilər. Buna görə də, MDB ölkələrinin özləri maraqlı olmalıdırlar ki, dezinformasiya təbliğatının qurbanına çevrilməsinlər, necə deyərlər, insanların beyinlərini yumasınlar. Təbliğata qarşı səylərin birləşdirilməsi və təcrübə mübadiləsi isə böyük imkanlara malikdir”, - Latviyanın keçmiş dövlət başçısı deyib.


Oxunma sayı: 7876

Oxşar yazılar

Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
Azərbaycan mədəniyyətinin təbliğinə həsr olunan Bişkek Festivalı başladı – FOTO/VİDEO
  • 19:06 - 13 Aprel
Dəniz, qum və günəş: Tarixin möhtəşəm abidələrini özündə qoruyan Kuşadası – FOTO
Dəniz, qum və günəş: Tarixin möhtəşəm abidələrini özündə qoruyan Kuşadası – FOTO
  • 10:41 - 15 Aprel
Həssas qrupdan olan şəxslərə İftar süfrəsi təşkil olundu - FOTO
Həssas qrupdan olan şəxslərə İftar süfrəsi təşkil olundu - FOTO
  • 13:26 - 08 Aprel