Azərbaycanın ilk qadın metallurq qadını

  • 10:29 - 18 Mart

Azərbaycan Milli Elmlər Akademiyası Mərkəzi Elmi Kitabxanasının “Vikipediya” Metodik Mərkəzinin könüllüləri tərəfindən Azərbaycanın ilk qadın metallurqu, Sosialist Əməyi Qəhrəmanı Zəminə Həsənova haqqında “Vikipediya”da Azərbaycan və ingilis dillərində məqalə yaradılıb.

MEK-dən Avropa.info-ya bildirilib ki, məqalədə Z.Həsənovanın həyatı, əmək və ictimai fəaliyyəti haqqında məlumat verilir. Bildirilir ki, 1918-ci il mayın 10-da Corat qəsəbəsində anadan olan Z.Həsənova əmək fəaliyyətinə Sumqayıt Elektrik Stansiyasında başlayıb. Sovet dövründə Energetika Birliyinin sədri vəzifəsində çalışıb və yaşayış binalarının bünövrəsinin qoyulması ilə məşğul olub. O, əmək fəaliyyətindəki uğurlarına görə Sosialist Əməyi Qəhrəmanı adına, 1969-cu ildə isə Sumqayıtın fəxri vətəndaşı adına layiq görülüb, “Lenin” ordeni, “Oraq və çəkic” qızıl medalı ilə təltif edilib.

Z.Həsənova Azərbaycanın ictimai həyatında da fəal iştirak edib. O, dəfələrlə Sumqayıt Şəhər Şurasının deputatı seçilib, VI çağırış SSR Ali Sovetinin deputatı olub. 2002-ci il oktyabrın 2-də ölkə rəhbərinin müvafiq Sərəncamı ilə Zəminə Həsənova elm, təhsil, mədəniyyət, iqtisadiyyat sahəsində göstərdiyi fəaliyyətinə və böyük əməyinə görə Azərbaycan Prezidentinin fərdi təqaüdünə layiq görülüb. Görkəmli metallurq qadına musiqisi Ə.Tağıyevə, sözləri R.Zəkaya məxsus “Zəminə” mahnısı həsr olunub. O, 2006-cı ildə Sumqayıt şəhərində vəfat edib və yaşadığı binaya xatirə lövhəsi vurulub.
https://az.m.wikipedia.org/wiki/Zəminə_Həsənova
https://en.m.wikipedia.org/wiki/Zamina_Hasanova


Oxunma sayı: 8514

Oxşar yazılar

Paris İrəvanla Bakı arasında münasibətlərin normallaşmasına mane olur - AÇIQLAMA
Paris İrəvanla Bakı arasında münasibətlərin normallaşmasına mane olur - AÇIQLAMA
  • 21:27 - 18 Aprel
Troyada ən qədim yaşayış məskənləri - FOTO
Troyada ən qədim yaşayış məskənləri - FOTO
  • 14:59 - 17 Aprel
Akademik Musiqili Teatrda Ramiz Mirişlinin xatirəsi yad edildi - FOTO
Akademik Musiqili Teatrda Ramiz Mirişlinin xatirəsi yad edildi - FOTO
  • 16:26 - 16 Aprel