Gənclər və İdman Nazirliyinin, Bakı Şəhər Gənclər və İdman Baş İdarəsinin və Azərbaycan Cüdo Federasiyasının birgə təşkilatçılığı ilə Bakı İdman Sarayında iki dəfə Sovet İttifaqı Qəhrəmanı, tank qoşunları general-mayoru Həzi Aslanovun xatirəsinə həsr olunmuş cüdo üzrə XXXIX beynəlxalq turnir keçirilib.
BŞGİBİ-dən Avropa.info-ya bildiriblər ki, yarışdan əvvəl tədbir iştirakçıları Fəxri xiyabanda xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri qoyublar.
Cəsur sərkərdə Həzi Aslanovun abidəsi önünə də tər çiçəklər düzülüb.
Əvvəlcə general-mayor Həzi Asilanovun şərəfli ömür yolundan bəhs edən sənədli film nümayiş olunub.
Yarışın açılış mərasimində Gənclər və İdman Nazirliyinin idman şöbəsinin müdiri Fərid Mansurov, məşhur sərkərdənin nəvəsi, polis general-mayoru Həzi Aslanov, Respublika Veteranlar Təşkilatının sədr müavini, polkovnik Cəlil Xəlilov, ehtiyatda olan general-leytenant Yaşar Aydəmirov, Bakı Şəhər Gənclər və İdman Baş İdarəsinin rəisi Raqif Abbasov, Azərbaycan Cüdo Federasiyasının baş katibi Elmar Babanlı çıxışlarında Azərbaycanda idmanın inkişafına göstərilən yüksək diqqət və qayğı nəticəsində ölkəmizin dünyada idman dövləti kimi tanındığını vurğulayıblar.
Azərbaycan Respublikasının dövlət himninin səsləndirilməsindən sonra turnir açıq elan olunub.
Turnirdə Azərbaycan idmançıları ilə yanaşı, Türkiyə, Gürcüstan, Ukrayna, Rusiya, Qazaxıstan və Özbəkistan cüdoçuları da mübarizə aparıblar. Komanda hesabında Azərbaycan birinci, Özbəkistan ikinci, Ukrayna üçüncü yeri tutub. Qaliblərə medal, diplom və xatirə hədiyyələri, həmçinin general-mayor Həzi Aslanov xatirə medalı da təqdim olunub.
Akademik Musiqili Teatr Özbəkistanda beynəlxalq forumda iştirak etdi - FOTO\VİDEO
Sosial Tədqiqatlar Mərkəzi ilə “Divan Araştırma ve Eğitim Derneği” arasında memorandum imzalandı - FOTO
.png)
Bakcell çempion şahmatçı Ülviyyə Fətəliyevanı təbrik etdi - FOTO
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin! - FOTO
Paris İrəvanla Bakı arasında münasibətlərin normallaşmasına mane olur - AÇIQLAMA
Bakı ABŞ-Aİ-Ermənistan sövdələşməsini iflasa uğradacaq - AÇIQLAMA
Bu, Azərbaycanın yaratdığı reallıqların dünya gücləri tərəfindən qəbuludur - AÇIQLAMA
Kafedə insanlar girov götürüldü: Bölgədəki evlər boşaldıldı
İsrail BMT sülhməramlılarının maşınını vurdu: Yaralılar var
DİN-dən oğlunu görmək adı ilə qaçıran ata ilə bağlı AÇIQLAMA - VİDEO
