Paris İrəvanla Bakı arasında münasibətlərin normallaşmasına mane olur - AÇIQLAMA
Bakı ABŞ-Aİ-Ermənistan sövdələşməsini iflasa uğradacaq - AÇIQLAMA
Bu, Azərbaycanın yaratdığı reallıqların dünya gücləri tərəfindən qəbuludur - AÇIQLAMA
Kafedə insanlar girov götürüldü: Bölgədəki evlər boşaldıldı
İsrail BMT sülhməramlılarının maşınını vurdu: Yaralılar var
DİN-dən oğlunu görmək adı ilə qaçıran ata ilə bağlı AÇIQLAMA - VİDEO
Özbəkistan prezidenti təhlükəsizlik tədbirlərinin gücləndirilməsi barədə göstəriş verib
Direktoru işdən çıxarılan "məşhur" məktəb imiş - DETALLAR - YENİLƏNİB
“Azneft”in baş direktoru vəzifəsindən azad edildi - Yeni təyinat
Azərbaycanda qadın döyüşçülərin qədim məzarlığı aşkar edilib - FOTO
İran güneyli müğənniyə qadağa qoydu – Azərbaycan televiziyasında çıxışına görə (Video)
- 13:38 - 28 Yanvar
Azərbaycan Respublikasının televiziyasında çıxışına görə muğanlı müğənni Humayun Arazın (Al-i Cəfər) peşə fəaliyyətinə qadağa qoyulub.
Avropa.info gunaz.tv-yə istinadən xəbər verir ki, müğənni Azad Azərbaycan Televiziyasında (ATV) gedən “Səs Azərbaycan” mahnı müsabiqəsində iştirakına və həmin kanaldan Güney Azərbaycana salam göndərdiyinə görə İran rejiminin qəzəbinə tuş gəlib.
Bu barədə İnstaqram səhifəsində bir neçə video paylaşan sənətkar bildirib ki, Azərbaycanda bir mahnı müsabiqəsinə qatıldığı üçün, həmçinin yerlilərinə salam göndərdiyinə görə Parsabad Şəhər Ettelaat Şöbəsi və Ümumi Məkanlara Nəzarət İdarəsi (Əmakin) tərəfindən ölkədən çıxışına qadağa qoyulub. O, Ərdəbil Əyaləti və Muğan şəhərində musiqiçi kimi fəaliyyət göstərməsinə də qadağa qoyulduğunu deyib. Şəhərin milli-mədəni fəallarına xüsusi təzyiq göstərməsi ilə seçilən Muğan Ettelaat Şöbəsinin rəisi Həzrəti şəhərdə şadlıq saraylarına göstəriş verib ki, toylarda heç bir şəkildə Humayun Arazın musiqi ifa etməsinə imkan verməsinlər.
Həzrəti azərbaycanlı müğənniyə xəbərdarlıq edib ki, Ettelaat-ın tapşırığına əməl etməyəcəyi təqdirdə bunun bədəlini ağır ödəyəcək. Humayun Araz yaydığı videoda təhlükəsizlik qüvvələri tərəfindən təzyiq altında olduğunu bildirərək ATV-də gedən müsabiqəyə qatılmasına qadağa qoyulduğunu deyib.
O vurğulayıb ki, 1 aydan çoxdur ki, toy mərasimlərinə qatılıb peşə fəaliyyətini davam etdirə bilmir. “Məni təhdid edirlər! Mənim günahım nədir?! Mən Azərbaycan milləti və öz dilimi sevirəm!...”- deyə azərbaycanlı müğənni ağlayaraq videoda vurğulayıb.
