Fransada lisey şagirdlərinin təhsil şəraitinin yaxşılaşdırılması üçün təşkil etdiyi etirazlarda 10 şagird və təhsil işçisi yaralanıb və polis müdaxilə edib.
Avropa.info bildirir ki, Fransada orta məktəb şagirdlərinin təhsil şəraitinin yaxşılaşdırılması tələbi ilə ötən həftə paytaxt Paris ətrafındakı əyalətlərdə başlayan etirazlar Lill, Saint-Denis, Rennes və Venissieux şəhərləri də daxil olmaqla, ölkənin hər yerində davam edir.
Milli mətbuatda çıxan xəbərlərə görə, Fransa Milli Təhsil Nazirliyi etirazlara görə 300-dən çox məktəbdə təhsildə aksamalar olduğunu açıqlayıb.
Nazirliyin məlumatına görə, aksiyalar çərçivəsində 40 nəfər saxlanılıb, ümumilikdə 10 tələbə və təhsil işçisi yaralanıb.
Bəzi şəhərlərdə polislə orta məktəb şagirdləri arasında gərginlik yaşanıb.
Şimali Lille şəhərində Sezar-Baggio Liseyi yaxınlığında keçirilən etiraz aksiyasında gərginlik yaşanarkən avtobus dayanacaqları və reklam lövhələri zədələnib.
Ərazidəki bəzi zibillər yandırılarkən, təhlükəsizlik qüvvələrinə səki daşları və müxtəlif əşyalar atılıb. Polis tələbələrə bibər qazı ilə müdaxilə edib.
Liondakı Martiniere-Duchere Liseyinin qarşısına toplaşan bəzi fəallar məktəbə tərəf atəşfəşanlıq atıblar.
Üzlərində maska olan bəzi gənclər orta məktəbin qarşısındakı zibil qutularını yandırıblar.
İlle-et-Vilaine əyalətinin Rennes şəhərindəki Brequigny Liseyinin qarşısında bəzi şagirdlər məktəb binasına müxtəlif əşyalar atıblar.
Lilldə polis orta məktəb şagirdlərinin üzərinə itlər vurub
Digər tərəfdən polisin etiraz edən lisey şagirdlərinə bibər qazı və fiziki müdaxilə etdiyi görüntüləri sosial mediada paylaşılıb.
Görüntülərə görə, Lilldə polis etiraz edən orta məktəb şagirdlərinin üzərinə itlər buraxıb.
Lisey şagirdləri polisin bibər qazı və buraxdıqları itdən qaçıblar. Hadisə zamanı bir şagird əlindən xəsarət alıb.
Venissieux şəhərindəki Jak-Brel liseyinin yaxınlığında bir polis əməkdaşı şagirdin yaxasından tutaraq, aksiya keçirilən ərazidən uzaqlaşdırıb. Polis tələbənin başını avtobus dayanacağına çırpıb.
Polis, həmçinin Alpes-Maritimes əyalətinin Kannes-sur-Mer şəhərində Renoir liseyinin qarşısında etiraz edən tələbələrin üzünə bibər qazı vurub.
