Metanın uşaqları bilərəkdən platformadan asılı vəziyyətə saldığı iddiası ilə Facebook və İnstaqrama qarşı açılan tarixi iddia ABŞ-ın Kaliforniya ştatının Oakland Federal Məhkəməsində başlayıb.
Avropa.info xəbər verir ki, Kaliforniya və Nyu York da daxil olmaqla 29 ştatın 2023-cü ildə açdığı iddiada prokurorlar şirkətin uşaqların məxfilik qanunlarını pozduğunu və gənclərin psixi sağlamlığına zərər verdiyini iddia edirlər.
Altı həftə davam etməsi gözlənilən iddiada ştatlar Meta-dan milyardlarla dollar təzminat tələb edir, həmçinin Instagram və Facebook-da “bəyənmə” sayları və sonsuz sürüşmə kimi funksiyaların sona çatmasını istəyir.
Şirkətdaxili sənədlər məhkəməyə təqdim edilib
İşin açılış iclasında ştatın vəkilləri ilə Metanın müdafiə komandası arasında sərt mübahisələr olub.
Kaliforniya ştatını təmsil edən vəkil Meqan O’Neill, Meta-nın platformalarında milyonlarla 11 və 12 yaşlı uşağın olduğunu aşkar etdiyini, lakin onların qarşısını almaq üçün kifayət qədər addımlar atmadığını söylədi. O’Neill, Meta-nın öz daxili araşdırmasından, “5 gəncdən 1-i Instagram-ın onları daha da pis hiss etdiyini söyləyir” və “Gənclərin istifadəsinin bir asılılıq hekayəsi var” kimi ifadələrə diqqət çəkdi.
Metanın biznes modelini ümumiləşdirən O’Neill şirkətin qazanc hərisliyini uşaqların təhlükəsizliyindən üstün tutduğunu, ictimai açıqlamaların və daxili araşdırmaların buna zidd olduğunu bildirdi.
Meta ittihamları rədd etdi: Sosial mediadan asılılıq deyə bir şey yoxdur
Metanın baş vəkili Paul Schmidt iddialara qarşı çıxdı və sözügedən daxili sənədin natamam qiymətləndirildiyini müdafiə etdi.
Schmidt, araşdırmaya qatılan gənclərin yüzdə 41’inin platformanın özlərini daha yaxşı hiss etdiyini, digər yüzdə 41’inin isə heç bir mənfi təsir hiss etmədiyini söylədi.
Schmidt, 13 yaşından kiçik istifadəçilərin yaşlarının təsdiqlənməsi ilə bağlı qanuni məhdudiyyətlərin Meta-nın məlumat toplamasına mane olduğunu söylədi və sosial media asılılığının elmi olaraq sübuta yetirilmədiyini iddia etdi.
Meta-nın CEO-su Mark Zuckerberg və Instagram-ın prezidenti Adam Mosserinin keçmiş bəyanatlarına istinad edən Şmidt bildirib ki, platformalar asılılıq yaratmaq üçün nəzərdə tutulmayıb.
