İzmirin Balçova rayonunda polis mərkəzinə silahlı hücum təşkil edən şəxslə əlaqəli olduğu müəyyən edilən İran vətəndaşı K.N. İstanbulun Esenyurt rayonunda saxlanılıb.
Avropa.info xəbər verir ki, İzmir Cumhuriyyət Baş Prokurorluğu tərəfindən Balçova Polis Mərkəzinə edilən silahlı hücum nəticəsində 2 polisin şəhid olduğu, 2-si polis olmaqla 3 nəfərin yaralandığı hadisə ilə bağlı başladılan istintaq davam edir.
Ədliyyə naziri Yılmaz Tunç hadisə ilə bağlı bunları bildirib ki, İzmir Cumhuriyyət Baş Prokurorluğu tərəfindən dərhal istintaq başladılıb və bu məqsədlə 2 baş prokuror müavini və 6 prokuror təyin edilib.
İstintaq çərçivəsində İran vətəndaşı olan 32 yaşlı K.N-nin hücum edən E.B. ilə əlaqəsinin olduğu müəyyən olunub.
Şübhəli K.N. Esenyurtda polis tərəfindən keçirilən əməliyyat zamanı saxlanılıb. Hadisə ilə əlaqədar istintaq çərçivəsində saxlanılanların sayı 5-ə yüksəlib.
İzmirin Balçova rayonunda yerləşən polis mərkəzinə hücumu həyata keçirən E.B. yaralı halda yaxalanmışdı.
Aparılan istintaq çərçivəsində qatil zanlısının atası N.B., anası A.B. və iki dostu da saxlanılıb.
İzmir şəhərində E.B., N.B., A.B., A.K., D.Ş.; İstanbulda K.N.; Ankarada B.Y. və C.T.; Şanlıurfada isə M.A. olmaqla ümumilikdə 9 nəfər saxlanılıb.
11:07
İzmirin Balçova rayonunda yerləşən Salih İşgören Polis Mərkəzinə hücum edilib.
Avropa.info xəbər verir ki, iddiaya görə, polis mərkəzinə gələn kimliyi naməlum şəxs uzun lüləli silahla atəş açıb. Hadisə yerinə dərhal təcili tibbi yardım qrupları cəlb olunub.
Hadisə nəticəsində 2 polisin şəhid olduğu, 6 nəfərin yaralandığı bildirilib. Yaralanan polislərdən birinin vəziyyətinin ağır olduğu və həyatının təhlükə altında olduğu qeyd olunub.
