Avropa.info xəbər verir ki, Beynəlxalq Amnistiya  Avstriya  və bir çox vətəndaş cəmiyyəti təşkilatının parlament binası qarşısında təşkil etdiyi nümayişə yüzlərlə fələstinli tərəfdar qatılıb.

Fələstin bayraqları daşıyan nümayişçilər Avstriya hökumətini Qəzzada törədilən soyqırımda şərik olmaqda ittiham ediblər.

Nümayişçilərdən bəziləri əllərində “Qəzzada uşaqlar basdırılır, onlarla birlikdə insanlıq da basdırılır”, “Uşaqları öldürmək müdafiə deyil” və “Fələstinə azadlıq” yazılmış plakatlar qaldırıb.

Amnesty İnternational təşkilatının Avstriya bölməsinin müdirlərindən biri olan Shoura Hashemi çıxışında son həftələr Qəzzadan gələn dəhşətli görüntülərin şahidi olduqlarını bildirib.

“Biz fələstinli uşaqların və böyüklərin aclıqdan öldüyünü əks etdirən fotoşəkilləri gördük”, – Haşimi bildirib.

Haşimi aclığın müharibə vasitəsi kimi istifadə edilməməsi  üçün əllərindən gələni etməli olduqlarını vurğulayaraq  , İordan çayının qərb sahilində Fələstin torpaqlarının qəsb edilməsinə də son qoyulmalı olduğunu bildirib.

Haşimi dedi: “Tarix bizdən soruşacaq ki, insanlar gözünüzün qabağında ölərkən siz nə etdiniz? Beynəlxalq hüquq  pozulduqda,  soyqırımı cinayəti  törədiləndə siz nə etdiniz  ?”

Şura Haşimi qeyd edib ki, onların bu suala cavabı ədalət, həmrəylik və insan haqları uğrunda mübarizəyə çağırışları olacaq.