ABŞ-ın Kaliforniya ştatının Los-Anceles şəhərində əyləncə gecəsində baş verən atışma nəticəsində 2 nəfər ölüb, 6 nəfər yaralanıb.
Avropa.info xəbər verir ki, ABC7 Los Angeles TV-nin məlumatına görə, Los Anceles Polis Departamentinin rəsmisi bildirib ki, yerli vaxtla gecə saat 1 radələrində şəhərdə bir partiyaya atəş açılıb.
Rəsmi məlumat verib ki, hücum nəticəsində Qreqori Derisso adlı kişi hadisə yerində, 52 yaşlı qadın isə aparıldığı xəstəxanada dünyasını dəyişib.
Rəsmi hadisə nəticəsində 6 nəfərin yaralandığını, yaralılardan birinin vəziyyətinin ağır olduğunu bildirib.
Hücum edənin şəxsiyyəti hələlik müəyyən edilməyib.
Los Anceles Bələdiyyə Başçısı Karen Bass sosial media platforması X hesabından verdiyi açıqlamada “Bu şəhərdə şiddətə dözülməz” deyərək həyatını itirənlərin ailələrinə başsağlığı verib .
