Yəmənin cənubundakı Ebyen əyaləti sahillərində qeyri-qanuni miqrantları daşıyan qayığın batması nəticəsində ölənlərin sayı 55-ə çatıb .
Avropa.info xəbər verir ki Nizamsız miqrantları daşıyan gəminin batması nəticəsində ölənlərin sayı 55-ə yüksəlib, həyatını itirənlər arasında bir yəmənli də var.
Bacmil həyatını itirənlərin hamısının dəfn edildiyini, qayıqda 100-dən çox Efiopiyalı qeyri-qanuni miqrantın olduğunu və onlarla insanın hələ də itkin olduğunu, axtarış işlərinin davam etdiyini bildirib.
Təhlükəsizlik mənbələri Yəmənin cənubunda Ebyen sahillərində qeyri-qanuni miqrantları daşıyan qayığın batması nəticəsində 20 nəfərin öldüyünü, onlarla insanın itkin düşdüyünü bildirib.
Yəmən Afrika Buynuzu ölkələrindən, xüsusilə Efiopiya və Somalidən olan qeyri-qanuni miqrantlar üçün tranzit məntəqəsi hesab olunur. Afrikalı qeyri-qanuni miqrantların əksəriyyəti Körfəz ölkələrinə, xüsusən də Səudiyyə Ərəbistanına çatmaq ümidi ilə Cibuti vasitəsilə Yəmənə keçir.
