Avropa.info xəbər verir ki, Suriya  ilə  enerji sahəsində də əlaqələrini yaxşılaşdıran Türkiyə  2024-cü ilin dekabrında Baas rejiminin süqutundan sonra Suriyada həyatın normallaşması üçün işlərə başlayıb.

Bu çərçivədə zədələnmiş  təbii qaz  kəmərləri təmir edilib, Kilisdən Hələbə keçid mayın 21-də başa çatıb.Gündəlik qaz daşıma gücü 6 milyon kubmetr olan boru kəmərinin ixracına bu gün başlanacaq. Bu kəmərlə nəql olunan qaz ildə 2 milyard kubmetrə çatacaq.

Qaz Hələbdəki təbii qaz elektrik stansiyasında  elektrik enerjisi istehsal etmək üçün istifadə olunacaq  və təxminən 1200 meqavat elektrik enerjisinə çevriləcək. Bu, hazırda Suriyada istehsal olunan elektrik enerjisinin həcmini təxminən iki dəfə artıracaq. Bu dəstək Suriyada elektrik təchizatını gündə 3-4 saatdan 10 saata qədər artıracaq.

Enerji və  Təbii  Sərvətlər naziri Alparslan Bayraktar  iyulun 30-da Türkiyənin Suriyaya təbii qaz ixracında Azərbaycan və Qətərlə  əməkdaşlıq edəcəyini açıqlayıb .

Bu çərçivədə Azərbaycandan Türkiyəyə gələn təbii qaz  Kilis  üzərindən Suriyaya ötürüləcək .

Elektrik enerjisi ixracı da artırılacaq

Elektrik dəstəyi təbii qazla məhdudlaşmır. Türkiyə həmçinin Suriyanın şimalına elektrik enerjisi ixracını artırmağı planlaşdırır. Mövcud xətlər vasitəsilə Suriyaya 280 meqavat elektrik enerjisi göndəriləcək.

Keçmişdə istifadə edilən Birecik-Hələb elektrik xətti də yenidən işə salınacaq. Təxminən 500 meqavat gücündə olan bu xəttin tamamlanması ilə ümumilikdə 900 meqavat elektrik enerjisi ixrac ediləcək. Bu, təxminən 1,6 milyon ev təsərrüfatının elektrik enerjisinə olan tələbatını ödəyəcək.