Bir il əvvəl 2024-cü il avqust ayının 1-də ölkənin teleməkanında yeni bir kanal – “TV1” internet üzərindən yayıma başladı. Audiovizual Şura tərəfindən 2025-cil il yanvar ayının 31-də kanalımıza yayım lisenziyası verildi. Ötən bir il müddətində kanalımız bir sıra ciddi uğurlara imza atıb. Peşəkar heyət tərəfindən hazırlanan proqramlarda ölkənin ictimai-siyasi həyatında baş verən mühüm hadisələr kanalın efirində işıqlandırılıb.
Cəmiyyətin gündəmində olan aktual mövzular “TV1”-in efirində peşəkar təqdimatı ilə seçilib. “TV1” kanalında müxtəlif proqramlarda çıxış edən ölkənin tanınmış ictimai-siyasi xadimləri, alimlər, ziyalılar, Milli Məclisin deputatları, tanınmış mədəniyyət və incəsənət xadimləri cəmiyyətin həyatındakı aktual mövzularla bağlı peşəkar təhlillər aparıblar. Kanalda Macarıstan, Türkiyə, Rusiya, Qazaxıstan, Almaniya və İsraildən canlı bağlantılarla tanınmış ekspertlər, siyasətçilər beynəlxalq məsələlərlə bağlı operativ çıxış ediblər.
Fəaliyyətə başladığı ilk gündən etibarən vətənpərvərlik mövzusu “TV1” kanalının daim diqqət mərkəzindədir. Belə ki, İkinci Qarabağ müharibəsi veteranları, Vətən uğrunda canlarını fəda etmiş şəhidlərimiz haqqında proqramlar və filmlər “TV1″in efirində yayımlanaraq tamaşaçıların böyük rəğbətini qazanıb. Eləcə də, kanalın efirində yayımlanan mədəni, milli-mənəvi, sosial, təhsil, sağlamlıq, turizm, gənclərlə bağlı proqramlar, həmçinin türkçülük ideyaları ilə əlaqədar verilişlər izləyicilər tərəfindən çox maraqla qarşılanıb. Musiqili və əyləncəli proqramlarımız da geniş tamaşaçı auditoriyası toplayıb. Kanalın daimi izləyicisi olan minlərlə tamaşaçısı tərəfindən diqqətlə izlənilən canlı verilişləri var. Bu proqramlarda təqdim olunan, cəmiyyəti düşündürən, sosial xarakterli verilişlər öz aktuallığı və peşəkarlığı seçilir.
“TV1” kanalı ötən bir il müddətində beynəlxalq əlaqələrini də genişləndirib. Belə ki, çox gənc olmasına baxmayaraq, “TV1” kanalı bu qısa müddət ərzində Qazaxıstanın bir sıra aparıcı mərkəzi və regional telekanalları ilə əməkdaşlıq haqqında Anlaşma Memorandumu imzalayıb.
Bundan başqa, gənc kanalın efirində xaricdən gələn tanınmış simalar ekspert qismində çıxış ediblər. Yaponiya və Cənubi Koreyadan gəlmiş televiziya mütəxəssisləri, o cümlədən Mərkəzi Asiyadan, Qazaxıstan, Qırğızıstan, Özbəkistan və Tacikistandan olan həmkarlamızla, elm və mədəniyyət xadimləri, incəsənət ustaları ilə maraqlı söhbətləri xüsusi ilə vurğulamaq istəyirik.
Türkçülüyün təbliği isə kanalımızın ana xətlərindən birini təşkil edir. Bu istiqamətdə Türkiyədən gələn çoxsaylı mütəxəssislər, media mənsubları və müxtəlif sahələr üzrə ekspertlər kanalın qonaqları olublar. Quzey Kıbrıs Türk Cümhuriyyəti (KKTC) həqiqətlərinin işıqlandırılmasında isə kanalın müstəsna xidmətləri var. Bu yöndə KKTC-nin Prezidenti Ersin Tatarın Azərbaycana səfəri çərçivəsində “TV1” kanalına eksklüziv müsahibə verməsini xüsusi ilə vurğulamaq yerinə düşər.
Həmçinin, KKTC-dən ölkəmizə səfər etmiş rəsmi şəxslər, nazirlər, tanınmış simalar, siyasətçilər kanalın efirində eskklüziv müsahibələr veriblər. Onların özəl açıqlamaları Azərbaycan mediasında işıqlandırıldığı kimi, Quzey Kıbrıs mediasında da yayımlanıb. Bu qısa müddət ərzində kanalın istehsal etdiyi filmlər də beynəlxalq diplomlara layiq görülüb.
Eyni zamanda, kanalın Nüvə Tədqiqatları Departamentindən hazırladığı özəl reportaj isə ölkə teleməkanında nadir hadisələrdən biridir. “TV1” kanalı eyni zamanda, bütün sosial media platformalarında uğurla təmsil olunur. İnteraktivliyi ilə seçilən verilişlərimiz tamaşaçılarla operativ əlaqədən xəbər verir.
Hazıırda bu loqotip altında TV1.az veb səhifəsi və TV1 kanalı fəaliyyət göstərir. Həmçinin, Tik-Tok, İnstaqram və Facebook platformalarında təmsil olunur. TV1 kanalı KATV1, City Net, Connect TV, Aztelecom, Ailə TV , TV Net və digər kabel şəbəkələrində yayımlanır.
İnanırıq ki, “TV1” komandası dövlətimizin, cəmiyyətimizin inkişaf etməsi üçün daha əzmlə çalışacaq və yeni, peşəkar proqramlarla izləyiciləri sevindirməyə davam edəcək.
Avropa.info bütün TV1-çiləri və tamaşaçılarını 1 yaşları münasibəti ilə təbrik edir!
