Həmas İsrail ordusunun beynəlxalq sularda Qəzzaya humanitar yardım aparan Hanzala gəmisinə basqını “piratçılıq cinayəti” kimi qiymətləndirib.
HƏMAS-ın bəyanatında deyilir: “İsrailin “Hənzala” gəmisinin qarşısını kəsməsi və sərnişinlərini saxlaması bəşəriyyətin iradəsinə açıq şəkildə meydan oxumaq və işğalın əsl simasını ifşa edən piratçılıqdır.
Bəyanatda İsrail hökumətinin gəmidəki beynəlxalq fəalların təhlükəsizliyinə cavabdeh olduğu bildirilib və “mühasirəni yarmaq üçün dəniz karvanlarının göndərilməsi davam etdirilməlidir” çağırışı edilib.
Bəyanatda beynəlxalq fəalların cəsarətinin yüksək qiymətləndirildiyi və bütün təhdidlərə baxmayaraq, onların mesajının Fələstin xalqına və dünyaya çatdığı vurğulanıb.
Bəyanatda həmçinin BMT-ni “bu pirat cinayətini qınamağa və İsraili Qəzzaya qarşı davam edən hücumlarına və soyqırım müharibəsinə görə məsuliyyətə cəlb etməyə” çağırıb.
İsrail Xarici İşlər Nazirliyi beynəlxalq sularda keçirdiyi reyd zamanı ələ keçirdiyi “Hanzala” gəmisinin ölkə sahillərinə doğru çəkildiyini açıqlayıb.
Hanzala gəmisi
“Hanzala” gəmisi iyulun 13-də İtaliyanın Sirakuza limanından yola düşüb, lakin bəzi texniki ehtiyacları qarşılamaq üçün iyulun 15-dən iyulun 20-dək Gelibolu Limanında son hazırlıqları tamamlayıb.
İyulun 20-də İsrailin tətbiq etdiyi blokada nəticəsində insanların aclıqdan öldüyü Qəzzaya yardım gətirmək üçün yola çıxan gəmidə 10 fərqli ölkədən 21 fəalın olduğu bildirilib.
