Avropa.info xəbər verir ki, Human Rights Watch (HRW) tərəfindən dərc edilən hesabatda deyilir ki, Yeni Dehli may ayından bəri əksəriyyəti Hindistanın qonşu Banqladeş əyalətlərində doğulmuş və böyük bir hissəsi qadın və uşaq olan yüzlərlə benqal müsəlmanını deportasiya edib.

Xəbərdə deyilir ki, sərhədçilər bəzi şəxslərin  şəxsiyyət sənədlərini  müsadirə edib  və hətta onları silah gücü ilə Banqladeş  ərazisinə məcbur ediblər.

Hesabatda bildirilir ki, Banqladeş səlahiyyətliləri deportasiya edilən təxminən 1500 nəfərdən bəzilərinin  Hindistan  vətəndaşı olduğunu və bu insanların bir hissəsinin Hindistana qayıtdığını təsdiqləyib.

Terror aktından  sonra təzyiqlər artıb

Hesabatda qeyd olunub ki, aprel ayında Hindistanın nəzarətində olan Cammu və Kəşmirin Pahalqam rayonunda çoxlu insanın ölümünə səbəb olan terror aktından sonra deportasiyalar artıb.

Hindistan hökumətinin terror hadisəsindən sonra xüsusi olaraq müsəlman icmalarını hədəf alan “qanunsuz immiqrantları” müəyyən etmək üçün səylərini gücləndirdiyini iddia edən hesabatda, deportasiyalara lazımi prosedur olmadan son qoyulması, deportasiya edilənlərə qanuni təmsilçilik hüququ və müraciət etmək imkanı verilməsi, məcburi deportasiya və zorakılıq iddialarının araşdırılması və məsuliyyət daşıyanların cəzalandırılması tələb olunur.

Hesabatda qeyd olunub ki, Hindistanın vətəndaşlıq, etnik mənsubiyyət və dinə görə fərdləri özbaşına deportasiya etməsi onun beynəlxalq konvensiyalar üzrə öhdəliklərinin pozulmasıdır.

“Hindistanın Bharatiya Janata Partiyasının (BJP) rəhbərliyi etnik benqal müsəlmanlarını ölkədən özbaşına deportasiya etməklə ayrı-seçkiliyi gücləndirir. Bəzi vətəndaşlar da daxil olmaqla, bu insanlar heç bir qanuni araşdırma və ya müdafiə hüququ olmadan deportasiya olunurlar”, – fikirləri hesabatda yer alan HRW-nin Asiya direktoru Elaine Pearson deyib.

Banqladeş  Xarici İşlər Nazirliyi  “məcburi repatriasiya” praktikasını pisləyib və yalnız Banqladeş vətəndaşı olduğu təsdiqlənən şəxslərin qəbul ediləcəyini bildirib.