Xankəndidə Prezident İlham Əliyevin “Rəqəmsal keçidlər: Süni intellekt dövründə informasiya və media dayanıqlılığının gücləndirilməsi” mövzusunda III Şuşa Qlobal Media Forumunun iştirakçıları ilə görüşü çox xoş təəssüratlarla yadda qaldı.
Prezident İlham Əliyevin Forumda Azərbaycan, rus və ingilis dillərində sərbəst və inamla danışması həm onun beynəlxalq səviyyədə yüksək kommunikasiya bacarığını göstərdi və həm də yerli və beynəlxalq auditoriyaya açıq və səmimi mesajların çatdırılmasını təmin etdi. Belə bir mühüm tədbirin üçüncü dəfə Qarabağda keçirilməsi, regionun yenidən inkişafı və Azərbaycanın qələbəsindən sonra bölgədə sülh, sabitlik və tərəqqinin təmin olunması üçün atılan vacib addımlardan biridir.
Bu, həmçinin Qarabağın beynəlxalq gündəlikdə daha çox diqqət mərkəzində olmasına və burada aparılan bərpa işlərinin dünya ictimaiyyətinə çatdırılmasına imkan yaratdı.
Ülviyyə Ağayeva,
Milli Məclisin deputatı
