Qəzzada jurnalistlər “Kiçik uşaq yeməyənə qədər yeməyəcəyik” şüarı ilə aclıq aksiyasına başlayıb.
Avropa.info xəbər verir ki, bir qrup jurnalist İsrailin blokadası səbəbindən aclıqdan əziyyət çəkən uşaqlarla həmrəylik məqsədilə iki gün əvvəl aclıq aksiyasına başladıqlarını sosial mediada açıqlayıb .
“Qəzzada ən kiçik uşaq yemək yeyənə qədər” bu tətili davam etdirəcəklərini bildirən jurnalistlər beynəlxalq ictimaiyyəti üzərinə düşən vəzifələri yerinə yetirməyə və “qarın boş hərəkatına” qoşulmağa çağırıblar.
Qəzzada aclıq böhranı böyüyür
Qəzzanın Səhiyyə Nazirliyi iyulun 20-də 2023-cü ilin oktyabr ayından bu yana yardımların girişinin əngəllənməsi səbəbindən 76-sı uşaq olmaqla 86 fələstinlinin aclıq və qidalanmadan öldüyünü açıqlayıb.
İsraildəki ərəb icması ilə məşğul olan Yüksək Nəzarət Komitəsi dünən Qəzzada və İordan çayının qərb sahilində davam edən blokada, aclıq və hücumlara qarşı üç günlük aclıq aksiyası keçirəcəklərini açıqlayıb.
