Avropa.info xəbər verir ki, Fələstinin rəsmi xəbər agentliyi WAFA-nın məlumatına görə,  İsrail  hakimiyyəti Qalkilya şəhərinin şərqində yerləşən Cinsafut kəndində 7 hektar ərazini ələ keçirəcəklərini açıqlayıb.

Fələstin rəhbərliyinə bağlı Divar və Məskunlaşma Müqavimət Komissiyası, İsrailin bölgədəki iki yaşayış məntəqəsinə hərbi yol açmaq planı ilə Qalkilyadakı torpaqları ələ keçirməyə qərar verdiyini vurğuladı.

Divar və Məskunlaşma Müqavimət Komissiyasının il ortası hesabatında işğal altındakı İordan çayının qərb sahilində Fələstin torpaqlarını ələ keçirən İsrail ordusu və israillilərin fələstinlilərə və onların torpaqlarına qarşı 11 min 280 hücum təşkil etdiyi qeyd edilib.

Hesabatda Tel administrasiyasının bu müddət ərzində verdiyi 36 qərarla fələstinlilərə məxsus 800 hektardan çox ərazini ələ keçirdiyinə dair məlumatlar yer alıb.

İsrail ordusunun  Qəzza zolağına qarşı hücuma başladığı  7 oktyabr 2023-cü ildən bəri  işğal altındakı İordan çayının qərb sahilində və Şərqi Qüdsdə  fələstinlilərə qarşı həbslər, basqınlar və hücumlarda artım müşahidə olunur .

Bu müddət ərzində İsrail əsgərləri və Fələstin torpaqlarını qəsb edən israillilərin hücumları nəticəsində ən azı 1001 fələstinli həlak olub, təxminən 7000 nəfər isə yaralanıb.