İsrail mediasının yaydığı məlumata görə, son iki həftədə Qəzzada döyüşlərə qoşulan dörd İsrail əsgəri intihar edib.
Avropa.info-nun məlumatına görə, Haaretz qəzeti intihar edən əsgərlərdən ikisinin həqiqi hərbi qulluqçu olduğunu yazıb.Digər ikisi isə Qəzzada həftələrlə davam edən döyüşlərdən sonra bu yaxınlarda tərxis edilmiş ehtiyatda olan hərbçilər idi.
“The Times of Israel”in məlumatına görə, çərşənbə axşamı intihara cəhd edən beşinci əsgər ağır yaralanıb.
İsrail qüvvələrinin ən azı 17.000-i uşaq olmaqla 58.000-dən çox fələstinlini öldürdüyü Qəzzada müharibə başlayandan bu yana İsrail əsgərləri arasında intiharların sayı nəzərəçarpacaq dərəcədə artıb.
Yerli medianın məlumatlara görə, müharibə başlayandan bəri 43 əsgər intihar edib, onlardan 14-ü bu il intihar edib. Təkcə 2024-cü ildə 21 əsgər intihar edib. Bu, 2011-ci ildən bəri ən yüksək illik göstəricidir.
Müxalifət lideri Yair Lapid deyib ki, hərbi intiharların sayının artması dözülməzdir. “Bu müharibə bizi də öldürür” deyə o, X hesabında yazıb.
Psixi sağlamlıq təşkilatları xəbərdar edir ki, intiharların əsl sayı daha çox ola bilər, çünki bir çox hallar rəsmi olaraq qeydə alınmır.
Bu rəqəmlər xidmətdə olmayan əsgərlər arasında intiharlara daxil edilmir.
Ordu mənbələrindən Haaretz-ə bildiriblər ki, intiharların əksəriyyəti gərgin döyüş şəraitinə məruz qalmaqla bağlıdır. Son intiharlar HƏMAS-ın Qəzza zolağında hücumları və İsrail əsgərlərini girov götürməsindən sonra baş verib. Son iki həftədə fələstinlilərin pusqularında ən azı 12 əsgər həlak olub.
Avropa.info
