Avropa.info xəbər verir ki, İordaniyanın Əl-Mamleke  telekanalı  Fələstin torpaqlarını ələ keçirən israillilərin   İordaniyadan Qəzza zolağına humanitar yardım aparan onlarla yük maşınına hücum etdiyini bildirib.

Xəbərdə humanitar yardım daşıyan yük maşınlarının hücumlar nəticəsində zərər gördüyü, yola çıxan 50 TIR-dan 29-nun Qəzzaya çata bildiyi bildirilib.

Xəbərdə yardım yüklü yük maşınlarının İsrailin hücumları və maneələri səbəbindən 24 saatdan çox yolda qaldığı bildirilib.

İsrail  mediası   bildirib ki, “Əmir 9” ekstremist qruplaşmasının üzvü olan onlarla israilli İordaniya  ilə işğal olunmuş İordan  çayının qərb sahili arasında Kral Hüseyn (Allenbi) körpüsü ilə Qəzzaya gedən humanitar yardım yük maşınlarının qarşısını kəsib.

“Əmir 9” İsrail cəmiyyətinin qisas almaq istəyi ilə Qəzzada humanitar fəlakətin şiddətlənməsinə töhfə verən ekstremist təşkilat hesab olunur.