Avropa.info xəbər verir ki, Cənubdakı Xan  Yunus şəhərindəki Nasser Xəstəxanasında  körpələrin cansız bədənləri göz yaşları və dərin hüznlə son səfərə yola salınıb.

Ailələr ən elementar sağlamlıq və qidalanma hüquqlarından məhrum olan körpələrini itirməyin acısını yaşadılar.

İyunun 19 – da Qəzzada iki xəstəxana tərəfindən edilən açıqlamalarda, onlar davam edən blokada və hücumlar   nəticəsində körpələrin həyatını təhdid edən “qaçılmaz sağlamlıq fəlakəti” ilə bağlı xəbərdarlıq ediblər .

Bənzər vəziyyətdə olan başqa körpələr də var.

5 aylıq körpə Nidalın əmisi Mahmud Şerab AA-ya verdiyi açıqlamada qardaşı oğlunun “qeyri-kafi qidalanma və süni qida çatışmazlığı” səbəbiylə həyatını itirdiyini söyləyərək, xəstəxanada oxşar vəziyyətdə olan başqa körpələrin də olduğunu, müalicəvi sümul və uyğun qidaların təcili olaraq bölgəyə çatdırılması lazım olduğunu vurğuladı.

10 günlük körpə Kindanın atası Muhammed el-Hems, qızının “qədərsiz qidalanma və dərman çatışmazlığı” səbəbindən öldüyünü söylədi.

“Bunlar müharibənin qurbanlarıdır. Bunlar (İsrailin baş naziri Benyamin) Netanyahunun öz xalqına təqdim etdiyi uğurlardır”, – Hems deyib.

Dünyanın Qəzzada aclıqdan ölən uşaqların səssizcə seyr etdiyini bildirən Hems, beynəlxalq ictimaiyyətin İsrailin törətdiyi cinayətlərə qarşı susmasına reaksiya verib.

Hems  Qəzza zolağında  cənazə namazı qılınmayan vaxtın keçdiyini  və İsrailin bölgədə həyata keçirdiyi soyqırımı səbəbindən hər gün yeni insanların həyatını itirdiyini bildirib  .

Qəzza  Səhiyyə Nazirliyi  iyunun 25-də bildirib ki, davam edən soyqırımı səbəbindən bölgədə səhiyyə və humanitar vəziyyət “fəlakətli həddə” çatıb.

Açıqlamada, xüsusilə də körpələr arasında qida çatışmazlığı hallarının artdığı və müalicəvi formulun olmaması səbəbindən vəziyyətin daha da pisləşdiyi bildirilib.

Mayın 25-də Qəzzada hökumətin  media ofisinin  açıqladığı son rəqəmlərə görə,  ən azı 242 nəfər, əksəriyyəti uşaq və qocalar qida və dərman  çatışmazlığı səbəbindən həyatını itirib .

İsrail martın 2-dən Qəzza zolağına daxil olan bütün quru sərhəd keçidlərini bağlı saxlayıb. Yardım daşıyan yüzlərlə yük maşınının keçməsi qarşısı alınıb, Kerem Əbu Səlim sərhəd keçid məntəqəsindən isə yalnız məhdud sayda avtomobilin keçməsinə icazə verilib. Qəzzaya gündə ən azı 500 yardım maşını lazımdır.

İsrail  ordusunun 7 oktyabr 2023-cü il tarixindən bu yana hücumlarını davam etdirdiyi Qəzzada intensiv bombardmanlar, aclıq, məcburi köçkünlük və infrastrukturun dağıdılması nəticəsində böyük humanitar fəlakət yaşanır. Beynəlxalq ictimaiyyətin və Beynəlxalq Ədalət Məhkəməsinin atəşkəs çağırışlarına baxmayaraq, İsrailin soyqırım həddinə çatan hücumları səngimək bilmir.