ABŞ prezidenti Donald Trampın elan etdiyi atəşkəsin qüvvəyə minməsi gözləniləndən bir müddət əvvəl İrandan atılan raketlərdən birinin İsrailin cənubundakı binaya düşdüyü və 3 nəfərin öldüyü açıqlanmışdı.
Avropa.info xəbər verir ki, İsrail mediası İrandan 9 raketin buraxıldığını bildirib: 2-si birinci, 4-ü ikinci, 3-ü isə üçüncü atışda.
Bildirilib ki, raketlərdən biri birbaşa İsrailin cənubundakı Bir-ussebidə (Berşeva) yeddi mərtəbəli binaya düşüb.
İsrailin fövqəladə yardım xidməti, Davudun Qırmızı Ulduzu, raketin vurulduğu binada 3 nəfərin öldüyünü və çox sayda insanın yaralandığını bildirib.
Bölgədə axtarış-xilasetmə işlərinin davam etdiyi və ölənlərin sayının arta biləcəyi bildirilib.
İsrail ordusu İrandan 4-cü raket dalğasının ölkəyə doğru atıldığını və hava hücumundan müdafiə sistemlərinin raketləri ələ keçirməyə çalışdığını açıqlayıb.
İsrail mediası hücumların ABŞ prezidenti Trampın saat 07:00-da elan etdiyi atəşkəsin qüvvəyə minməsindən az əvvəl həyata keçirildiyini iddia edib.
