İranın ali dini rəhbəri Ayətullah Seyid Xamenei xalqa müraciət edir.
Avropa.info xəbər verir ki, “Amerikalılar bilməlidirlər ki, istənilən hərbi müdaxilə (ABŞ üçün) düzəlməz ziyana səbəb olacaq”, – deyə İran lideri Xamenei bildirib.
İranın ali lideri Əli Xamenei ABŞ prezidenti Donald Trampın təslim olmaq çağırışına cavab verərək, ölkənin “möhkəm duracağını” və təslim olmayacağını bildirib.
Onun sözlərinə görə, Tehran ABŞ-ın istənilən hərbi müdaxiləsinə cavab verəcək və “düzəldilməz ziyan vuracaq”.
Xamenei xalqa müraciətində deyib: “İranı, onun xalqını və tarixini bilən müdrik insanlar bu ölkə ilə heç vaxt təhdid dili ilə danışmayacaqlar. Çünki İran xalqı heç vaxt təslim olmayacaq. Amerikalılar bilməlidirlər ki, Amerika istənilən hərbi müdaxilə nəticəsində, şübhəsiz ki, bərpası mümkün olmayan ziyana uğrayacaq”.
İyunun 17-də Tramp İrandan qeyd-şərtsiz təslim olmağı tələb edib. O, İran problemini həll etmək üçün ABŞ ordusundan istifadə etmək istəmədiyini, lakin Vaşinqtonun səbrinin tükəndiyini vurğulayıb.
