Kosovo Prezidenti Vjosa Osmani ölkəsinin “dəyərli dostu” olaraq xarakterizə etdiyi Xarici İşlər Naziri Hakan Fidan ilə görüşü ilə bağlı “Türkiyənin sarsılmaz dəstəyinə görə minnətdarıq” dedi.
Avropa.info xəbər verir ki, Prezident Osmani, Albaniyanın paytaxtı Tiranada keçirilən Cənub-Şərqi Avropa Əməkdaşlıq Prosesi (SEECP) Dövlət və Hökumət Başçıları Zirvəsi çərçivəsində dünən xarici işlər naziri Fidan ilə keçirdiyi görüşlə bağlı sosial media hesabında paylaşım edib .
Osmani paylaşımında “Kosovonun dəyərli dostu” kimi xarakterizə etdiyi Fidanla görüşməkdən hər zaman məmnun olduğunu bildirib.
Osmani görüş zamanı iki ölkə arasında güclü ikitərəfli ortaqlığı müzakirə etdiklərini ifadə edərək, “Bu ortaqlığı daha da gücləndirmək üçün ortaq qərarlılığımızı davam etdirsək də, Türkiyənin sarsılmaz dəstəyinə görə minnətdarıq” dedi.
