Avropa.info xəbər verir ki, Müdafiə naziri Katz bu səhər İrandan atılan ballistik raketlərlə vurulan Herzliya şəhərində bölgəyə səfəri zamanı mətbuata açıqlama verib.

İranın paytaxtının “tezliklə məhv ediləcək nüvə obyektləri ilə dolu” olduğunu iddia edən Katz,  İsrail  döyüş təyyarələrinin  bu gün Tehranda “çox mühüm, strateji, rejim hədəfləri və infrastruktura” hücum edəcəyini bildirib.

Nazir Katz İsrail Hərbi Hava Qüvvələrinin Tehran üzərində hava üstünlüyü əldə etdiyini və paytaxtda 10-dan çox nüvə hədəfini məhv edəcəklərini iddia edib.

Katz bildirib ki, Qum əyalətindəki dağın dərinliklərində yerləşən Fordo Nüvə Mexanizminə hücum məsələsi “mütləq nəzərdən keçiriləcək”.

Digər tərəfdən, ABŞ-ın 13 iyunda başlatdıqları hücumlarda iştirak edib-etməyəcəyi ilə bağlı Katz, “ABŞ böyük dostdur, hazırda bəzi hücumlara qarşı müdafiəmizə kömək edirlər, buna görə onlara təşəkkür edirik.  ABŞ  prezidentinin qərarları ABŞ-ın qərarıdır və istənilən qərara hörmətlə yanaşacağıq” dedi.

Münaqişə İsrailin İrana şiddətli hücumları ilə başlayıb

İyunun 13-də İsrail İranın müxtəlif şəhərlərindəki nüvə obyektlərinə, eləcə də ordunun yüksək komandanlığına qarşı irimiqyaslı hücumlara başlayıb.

Hücumlarda İran  Baş Qərargah rəisi  , İnqilab Keşikçiləri Korpusunun Baş Komandanı, bəzi yüksək səviyyəli komandirlər və 9 nüvə alimi həyatını itirərkən, mülki vətəndaşların ümumi itkisinin 224 olduğu açıqlanıb.

İran ordusunun İsrailə ballistik raketlərlə cavab verməsi nəticəsində 24 nəfərin öldüyü, 500-dən çox insanın yaralandığı bildirilib.

Başda Türkiyə olmaqla bir çox ölkə İsraili qınayıb.