Avropa.info xəbər verir ki, İsrailin  dövlət telekanalı KAN bildirib ki, İsrail hökuməti İranın “Sabit vəd-3” əməliyyatı çərçivəsində başlatdığı genişmiqyaslı hücumlara qarşı müdafiə dəstəyi vermək üçün bir neçə ölkəyə rəsmi müraciət edib.

Xəbərdə İngiltərənin bu istəyə müsbət cavab verdiyi və dəstək təklif etdiyi, Fransanın isə hələ də qərar verməkdə tərəddüd etdiyi bildirilir.

Hesabatda həmçinin “Sadiq söz-1” və “Sadiq söz-2” əməliyyatları zamanı  İranın raketlərinə  qarşı mübarizədə İsrailə kömək etmək üçün beynəlxalq koalisiyanın yaradıldığı bildirilib .

İsrailli bir rəsmi qeyd edib ki, İngiltərə də bundan əvvəlki iki hücum dalğası olan “Sadiq Söz-1” və “Sadiq Söz-2” zamanı İsrailə yardım edib.

Münaqişə İsrailin İrana şiddətli hücumları ilə başlayıb

İyunun 13-də İsrail İranın müxtəlif şəhərlərindəki nüvə obyektlərini, eləcə də ordunun yüksək komandanlığını hədəf alan irimiqyaslı hücumlara başlayıb.

 Hücumlarda İranın  Baş Qərargah rəisi, İnqilab Keşikçiləri Korpusunun Baş Komandanı, bəzi yüksək səviyyəli komandirlər və 9 nüvə alimi həlak olduğu halda, mülki itkilərin ümumi sayının 224 olduğu açıqlanıb.

İran ordusunun İsrailə ballistik raketlərlə cavab verməsi nəticəsində 14 nəfərin öldüyü, 400-dən çox insanın yaralandığı bildirilib.

Başda Türkiyə olmaqla bir çox ölkə İsraili qınayıb.