Avropa.info xəbər verir ki, Milli mətbuatda yer alan xəbərlərə görə, Fransa Milli Terrorla Mübarizə Prokurorluğu (Pnat) 2024-cü ilin yanvar-may ayları arasında İsrailin hücumlarını davam etdirdiyi Qəzzaya humanitar yardımların daxil olmasına mane olmağa çalışan Fransa vətəndaşları haqqında istintaq başlatdı.
İstintaq çərçivəsində Qəzzaya yardımın girməsinə icazə verməyən “İsrail əbədidir” və “Tzav-9” dərnəkləri və yardımın qarşısını almağa çalışan Fransa vətəndaşları “soyqırımda iştirak, soyqırıma təhrik və insanlığa qarşı cinayətlərə ortaq olmaq” maddələri ilə ittiham edilib.
2024-cü ilin noyabrında Fransa Yəhudi Sülh Liqasının (UJFP) və Fransa vətəndaşı Fələstinlinin şikayəti əsasında başladılan istintaq, 2024-cü ilin əvvəlində İsrailin fəaliyyətləri ilə bağlı “soyqırım” ifadəsini istifadə edən ilk araşdırmadır.
Atəşkəsi pozan İsrail ordusu Qəzzanın daimi işğalı üçün hərəkətə keçib.
Yanvarın 19-da Qəzza zolağında qüvvəyə minən atəşkəsdən sonra İsrail ordusu martın 18-i səhər saatlarında şiddətli hücumlarını bərpa edib.
İsrail ordusu yenidən hücumlara başladıqdan sonra əksəriyyəti qoca, qadın və uşaq olmaqla 4497 fələstinli həyatını itirib, 13793 nəfər isə yaralanıb.
İsrailin 7 oktyabr 2023-cü ildən Qəzza zolağına təşkil etdiyi hücumlarda həyatını itirən fələstinlilərin sayı 54 min 772, yaralıların sayı isə 125 min 834-ə yüksəlib.
İsrail ordusu Qəzza zolağının işğalını genişləndirəcək və onu daimi edəcək hücum planını həyata keçirməyə başlayıb. Baş nazir Benyamin Netanyahu Qəzza zolağının hamısını işğal edəcəklərini açıqlayıb.
Plana görə, İsrail ordusu Qəzza zolağını daimi olaraq işğal edəcək və fələstinlilər Qəzzanın cənubundakı “konsentrasiya düşərgələrinə” deportasiya ediləcək və İsrail orada fələstinlilərə “həyatı saxlamaq” üçün kifayət qədər humanitar yardım verəcək.
İsrailli nazirlər Qəzza zolağında toxunulmaz qalan hər şeyi məhv etməyi və fələstinliləri əvvəlcə cənuba, oradan da başqa ölkələrə qovmağı planlaşdırdıqlarını açıqladılar.
