228 nömrəli məktəbin 2-ci sinif şagirdi İbrahimova Şəhrizad Müşfiq qızının “Mənim Rəngli Dünyam” adlı ilk fərdi yaradıcılıq sərgisi keçirilib.
Avropa.info xəbər verir ki, sərgidə balaca rəssamın 25 rəsm əsəri nümayiş olunub.
Aygün Əzizovanın layihə rəhbəri olduğu sərgini giriş sözü ilə Beynəlxalq Qalereyanın direktoru Elnurə İsgəndərova açıb. O, bildirib ki, müxtəlif yaş qruplarında olan rəssamların sərgilərinin təşkil olunması, onların tanıdılması, cəmiyyətə təqdim olunması, istedadların kiçik yaşdan kəşf olunması üçün mühüm əhəmiyyət kəsb edir. E.İsgəndərovanın sözlərinə görə, Şəhrizadda olan sənət qığılcımları onun böyüdükcə gözəl rəssam olacağının göstəricisidir.
Beynəlxalq Qalereya adından rəssama ilk fərdi yaradıcılıq sərgisi üçün diplom təqdim olunub.
Sərgidə Fəxri Qonaq olaraq iştirak edən ADİU-nun dossenti , filologiya üzrə fəlsəfə doktoru, Zaqafqaziya üzrə sülh səfiri, YAP, AYB, AQRC-nin üzvü, Prezident təqaüdçüsü Nailə Yusifqızı, mühəndis Pərvin İbrahimova, bədii qiraətçi Əlizamin Abdullayev, yazıçı-şair Tehran Əkbər, yazıçı-şair Abuşov Rəsul, rəssam Nihat Əliyev Şəhrizada gələcək həyatında uğurlar arzulayıblar. Çıxışçılar balaca rəssama, sənətin sirlərini daha da yaxından öyrənib ali təhsil alıb mükəmməl rəssam olacağına inandıqlarını bildirərək hədiyyələr təqdim ediləb.
Şəhrizadın anası Gülnar İbrahimova, qardaşı Rəsul İbrahimov, nənəsi Çimnaz Teymurxanova, Beynəlxalq Qalereyanın əməkdaşlarına və gələn fəxri qonaqlara təşəkkür ediblər.
Sonra xüsusi rəssam tortu kəsilib, çay süfrəsi təşkil olunub və xatirə fotoları çəkilib.
Aygün Oqtay
Fotolar Camalındır
