İsrail ordusunun Qəzza zolağının şimalında yerləşən Nura əl-Kabi Dializ Mərkəzini tamamilə yerlə-yeksan etdiyi bildirilib.
Avropa.info xəbər verir ki, Fələstin Səhiyyə Nazirliyi Qəzzanın şimalında böyrək xəstələrinə xidmət göstərən mərkəzə edilən hücumla bağlı yazılı açıqlama yayıb.
Açıqlamada dializ mərkəzinin dağıdılmasının böyrək xəstələrini gözlənilməz nəticələrlə fəlakətə sürüklədiyi vurğulanıb və böyrək xəstələrinin 41 faizinin müharibə illərində dializ mərkəzlərinə girişlərinin bağlanması və bu mərkəzlərin dağıdılması səbəbindən dünyasını dəyişdiyi vurğulanıb .
İsrailin Qəzzanın şimalındakı xəstəxanaları və xüsusi qayğı mərkəzlərini boşaltmaq üçün təhlükəli üsuldan istifadə etdiyi bildirilir.
Səhiyyə Nazirliyi facebook səhifəsində dializ mərkəzinin sökülməmişdən əvvəlki və sonrakı fotolarını paylaşıb .
Qəzzadakı hökumət media ofisi mayın 28-də bildirib ki, 2023-cü il oktyabrın 7-dən bəri böyrək xəstəliyindən əziyyət çəkən 26 nəfər lazımi tibbi yardım və qida çatışmazlığı səbəbindən dünyasını dəyişib .
