Elektron pul şirkəti Papara ilə bağlı araşdırma davam edir. Ədliyyəyə sövq edilən 15 şübhəlidən 11-i həbs olundu. 4 şübhəli şərti olaraq sərbəst buraxılıb.
Avropa.info MASAK-ın xəbərlərinə uyğun olaraq, İstanbul Respublika Baş Prokurorluğunun elektron pul və ödəniş xidməti şirkəti Papara ilə bağlı araşdırması davam edir.
Ədliyyəyə sövq edilən 15 şübhəlidən 11-i həbs olundu. 4 şübhəli şərti olaraq sərbəst buraxılıb.
Şirkətin sahibi Əhməd Faruk Karslı da həbsdə olan şübhəlilər arasındadır.
İstintaq çərçivəsində 8 şirkət də müsadirə edilib.
Məhkəmə qərarı ilə TMSF bu şirkətlərə qəyyum təyin edilib.
İstintaqla bağlı yeni təfərrüatlar da ortaya çıxıb. Təşkilatın rəhbəri olduğu iddia edilən Ahmet Faruk Karslının saxlanılarkən telefonunun şifrəsini polisə vermədiyi bildirilib. Şirkətin qurucu ortaqlarından olan şübhəli Murat Arslanın müsadirə edilən telefon və kompüterində qeyri-qanuni mərc oyunları cinayətinə aid külli miqdarda rəqəmsal məlumatın tapıldığı öyrənilib .
Daxil olan məlumatlara görə, 2021-2023-cü illər arasında qeyri-qanuni mərc oyunları cinayəti çərçivəsində Papara adlı ödəniş qurumuna məxsus 21 088 hesabın bağlandığı və bu rəqəmin sektorun 94 faizini təşkil etdiyi müəyyən edilib. Qanunsuz mərc saytlarında 26 min hesabdan istifadə edildiyi və 12 milyard lirə pulun köçürüldüyü bildirilib.
Papara hesablarının istifadə olunduğu qeyri-qanuni mərc saytları da araşdırılıb. Hesabların qanunsuz mərc baronları kimi tanınan Veysel Şahin, Derkan Başer və Anıl Uzun kimi adların saytlarında əməliyyatlar apardığı da müəyyən edilib.
