İstanbulun Kağıthane şəhərində restoran və əyləncə məkanı kimi istifadə edilən iş yerinə partlayıcı qurğunun atılması nəticəsində üçü ağır olmaqla 7 nəfər yaralanıb.
Avropa.info xəbər verir ki, Hürriyət məhəlləsindəki Park küçəsində yerləşən 5 mərtəbəli binanın ikinci mərtəbəsində restoran və əyləncə məkanı kimi istifadə edilən iş yerinə naməlum şəxs və ya şəxslər tərəfindən partlayıcı qurğu atılıb.
Xəbərdarlıqdan sonra göstərilən ünvana çoxlu sayda polis və təcili yardım maşınları göndərilib.
Hadisə nəticəsində 3-ü ağır yaralanan 7 nəfər təcili tibbi yardım maşını ilə xəstəxanalara aparılıb.
Prospekti trafikə bağlayan qruplar bomba iyləyən itlərlə vasitələrin altında və küçədə axtarış aparıb.
Qruplar araşdırma aparmaq üçün ətrafdakı iş yerlərinin təhlükəsizlik kamerası görüntülərini götürüb.
Polis qaçan şübhəli və ya şübhəlilərin tutulması üçün əməliyyata başlayıb.
