Prezident Rəcəb Tayyib Ərdoğan Türk Dövlətləri Təşkilatının Qeyri-rəsmi Zirvə Toplantısında iştirak etmək üçün özəl “TUR” təyyarəsi ilə Macarıstanın paytaxtı Budapeştə gedib.
Avropa.info xəbər verir ki, Prezident Rəcəb Tayyib Ərdoğan Türk Dövlətləri Təşkilatının (TDT) Qeyri-rəsmi Zirvə toplantısında iştirak etmək üçün Budapeştə gedib.
Prezident Ərdoğanı Esenboğa hava limanında vitse-prezident Cevdet Yılmaz, prezidentin baş katibi Hakkı Susmaz və Ankara valisi Vasip Şahin yola salıblar .
Ərdoğan və həyat yoldaşı Əminə Ərdoğan, Prezidentin Kommunikasiyalar üzrə direktoru Fahrettin Altun və Prezidentin Xarici Siyasət və Təhlükəsizlik Baş müşaviri Akif Çağatay Kılıç da Macarıstana yola düşüb.
Prezident Ərdoğanın “Şərqlə Qərbin Görüş Nöqtəsi” mövzusu ilə keçiriləcək Budapeşt Zirvə Toplantısı çərçivəsində TDT Dövlət Başçıları Şurasının Toplantısına qatılacağı, iştirakçı dövlət və hökumət başçıları ilə ikitərəfli danışıqlar aparacağı nəzərdə tutulur.
