Avropa.info xəbər verir ki, Baydenin ofisindən onun səhhətinin vəziyyəti ilə bağlı yazılı açıqlama verilib.

Açıqlamada Baydenə “aqressiv” olaraq xarakterizə edilən prostat xərçəngi diaqnozu qoyulduğu bildirilir.

Açıqlamada Baydenin keçən həftə sidik ifrazı əlamətləri və prostat düyünü aşkarlandıqdan sonra həkimlər tərəfindən müayinə edildiyi, mayın 16-da cümə günü ona prostat xərçəngi diaqnozunun qoyulduğu bildirilib.

Açıqlamada, Baydenin xərçəng hüceyrələrinin 1-dən 10-a qədər olan miqyasda necə göründüyünü ölçən Gleason balında 9 bal olduğu qeyd edildi.

Baydenin ailəsi ilə müalicə variantlarını müzakirə etdiyi və tezliklə müalicəyə başlayacağı da ictimaiyyətlə paylaşıldı.

Trampın “tezliklə sağal” mesajı

Digər tərəfdən,  ABŞ  prezidenti Donald Tramp Truth Social hesabından açıqlama verib və Baydenin tezliklə sağalmasını arzulayıb.

“Melaniya və mən Co Baydenin son tibbi diaqnozunu eşidəndə çox kədərləndik. Cillə və onun ailəsinə ən səmimi və ən xoş arzularımızı çatdırırıq və Coya tezliklə sağalma diləyirik”, – Tramp açıqlamasında bildirib.