Qəzza zolağının cənubundakı Xan Yunis şəhərində İsrail ordusunun Nasser xəstəxanasına hücumu nəticəsində bir jurnalist həlak olub. Qatil İsrailin Qəzzada 7 oktyabr 2023-cü ildən bu yana həyata keçirdiyi hücumlarda həyatını itirən jurnalistlərin sayı 215-ə yüksəlib.
Avropa.info xəbər verir ki, Fələstinin WAFA xəbər agentliyi İsrail ordusunun təyyarələrinin Nasser xəstəxanasına hücum etdiyini bildirib.
Əvvəlki hücumda yaralanan və xəstəxanada müalicə alan jurnalist Həsən Əbdülfəttah İslihin hücumda həyatını itirdiyi, bəzi xəstələrin də yaralandığı bildirilib.
Hökumətin Qəzzadakı mətbuat ofisindən verilən yazılı açıqlamada, “Aləm24” xəbər agentliyində direktor vəzifəsində çalışan İslihin vəfatı ilə 7 oktyabr 2023-cü ildən Qəzzada İsrailin hücumlarında həyatını itirən jurnalistlərin sayının 215-ə yüksəldiyi qeyd edilib.
Bəyanatda İsrail tərəfindən fələstinli jurnalistlərin sistematik şəkildə hədəfə alınması və öldürülməsi ən sərt şəkildə pislənilib və dünyanın bütün media qurumlarını Qəzzada jurnalistlərə qarşı bu sistematik cinayətləri pisləməyə çağırıb.
Bildirilib ki , hücuma görə İsrail və ABŞ-dan başqa , soyqırım cinayətində şərik olan İngiltərə, Almaniya və Fransa da məsuliyyət daşıyır.
Jurnalistlər hətta xəstəxanalarda da hədəfə alınırlar
Media Ofisindən verilən digər açıqlamada isə hücum zamanı xəstəxanada müalicə alan digər yaralıların da öldüyü, lakin onların sayı verilmədiyi bildirilib.
Açıqlamada fələstinli jurnalistlərin təkcə xəbər verdikləri yerlərdə deyil, müalicə aldıqları xəstəxanalarda da hədəf alındığı, bütün hədə-qorxu və təmizləmə cəhdlərinə baxmayaraq, jurnalistlərin vəzifələrini yerinə yetirməyə davam etdiyi vurğulanıb.
Bəyanatda beynəlxalq ictimaiyyəti və bütün ədliyyə qurumlarını, o cümlədən Beynəlxalq Cinayət Məhkəməsini jurnalistlərə, mülki şəxslərə və tibb işçilərinə qarşı törədilən bu “iyrənc” cinayətləri sənədləşdirmək və günahkarları mühakimə etməyə çağırıb .
