Türkiyə Rusiya ilə Ukrayna arasındakı böhrana son qoymaq üçün diplomatik səylərini davam etdirir. Müharibə davam edərkən, mayın 15-i cümə axşamı İstanbulda danışıqlar üçün sülh masası qurulacaq.
Avropa.info xəbər verir ki, Ukrayna prezidenti Zelenski Rusiya prezidenti Putini cümə axşamı Türkiyədə gözləyəcəyini açıqlayıb.
X sosial media platformasında verdiyi yazılı açıqlamada Zelenski Rusiyaya sabahdan etibarən tam və daimi atəşkəs təklif etdiklərini xatırladaraq, “Diplomatiya üçün lazımi zəmin yaratmaq üçün sabahdan etibarən tam və daimi atəşkəsin əldə olunmasını gözləyirik” dedi.
Putini mayın 15-də Türkiyədə gözləyəcəyini qeyd edən Zelenski, “Cümə axşamı Putini Türkiyədə gözləyəcəm. Ümid edirəm ki, ruslar bu dəfə bəhanə axtarmayacaqlar” deyib.
Putin mayın 15-də təklif edib
Rusiya prezidenti Vladimir Putin Moskvada keçirdiyi mətbuat konfransında çıxışında Kiyev rəhbərliyinin 2022-ci ilin sonunda dayandırdıqları danışıqlara yenidən başlamağı təklif etdiklərini vurğuladı və bu açıqlamaları verdi:
“Biz təklif edirik ki, birbaşa danışıqlar dərhal, xüsusilə ilkin şərt olmadan, əvvəllər danışıqların dayandırıldığı İstanbulda, cümə axşamı, mayın 15-də bərpa olunsun”.
