Türkiyə-Azərbaycan parlamentlər arası dostluq qrupu rəhbəri və İstanbul millət vəkili Şamil Ayrım, Türkiyə-Quzey Kıbrıs Türk Cümhuriyyəti dostluq qrupu rəhbəri Konya millət vəkili Orhan Ərdəm, Quzey Kıbrıs Türk Cümhuriyyəti (KKTC) sabiq millət vəkili və Şərqi Ağdəniz Universiteti (Doğu Akdeniz Universitesi) Fondun İdarə Heyətinin sədri Dr. Erdal Özcenk, Şərqi Ağdəniz Universitetinin rektoru professor Dr. Həsən Kılıç, Quzey Kıbrıs Türk Cümhuriyyəti Prezidentinin siyasi məsələlər üzrə müşaviri və DAÜ Vəqfi İdarə Heyətinin üzvü Anıl Kaya Azərbaycana səfər edib.
Avropa.info xəbər verir ki, işgüzar səfərin əsas məqsədi Quzey Kıbrıs Türk Cümhuriyyəti Şərqi Ağdəniz Universitetinin Azərbaycan universitetləri ilə əlaqələr qurması, tələbə mübadiləsi və Azərbaycandan olan tələbələrin KKTC-də təhsil alması üçün əməkdaşlığın əldə edilməsidir.
Heyət KKTC və Azərbaycan arasında təhsil sektorunun inkişafında dəyərli tərəfdaşlıqların qurulmasının təmin edilməsi məqsədi ilə ölkəmizdə fəaliyyət göstərən bir sıra təhsil qurumlarında görüşlər keçirəcək.
Eyni zamanda, ortaq layihələrlə təhsil keyfiyyətinin artmasına zəmin yaradılması üçün müəyyən tədbirlərin görüləcəyi də istisna edilmir.
Avropa.info
